Tasmansee
From Wikipedia
De Tasmansee is en groot Waterflach in’t Rebeet twischen Australien un Neeseeland in’n Süüdwesten vun’n Pazifik. Den Naam hett de See vun’n hollandschen Opdecker Abel Tasman af, de 1642/1643 op Reis rund üm Australien güng un dorbi ok Neeseeland un Tasmanien opdeck.
To de Tasmansee höört na de Internatschonale Hydrograafsche Organisatschoon de Rebeden oosten de austraalschen Bundsstaten Neesüüdwales, Victoria un Tasmanien. Mit de Grenz vun Neesüüdwales to Queensland in’n Noorden geiht de Tasmansee in’t Korallenmeer över.
In de Tasmansee liggt en poor Gruppen vun Eilannen, de wiet vun Neeseeland un Australien af liggt un all to Australien höört:
- Lord-Howe-Eiland
- Ball-Pyramid
- Norfolk-Eiland, an de Grenz to’t Korallenmeer.
Koordinaten: 37° 17′ 46″ S, 160° 31′ 30″ O
