Synood vun Dordrecht
From Wikipedia
Bi de Synood vun Dordrecht 1618 bet 1619 hebbt sik in de Stadt Dordrecht de Theologen vun dat ganze reformeerte Europa drapen. Dor güng dat üm de Lehr vun de Remonstranten un üm de Fraag, ob Gott allens vun Anfang an vörherbestimmt hett, wat denn laterhen passeren scholl.
De Karken vun de Nedderlannen, Schottland, Frankriek un Düütschland hebbt dor ehre Lüüd henstüert. De schillen övereenkomen, wat denn nu eegentlich de Lehr vun de reformeerte Karken in de ganze Welt is. Amenn hebbt se beslaten, dat Gott ganz an'n Anfang, ehr dat jichens wat dor weer op de Welt, al fastsett hett, wecke Minschen in den Himmel kamen schullen un wecke nich. In Düütschland hett ünner annern Bremen bi de Synood vun Dordrecht mitmaakt.