Styrbjörn
From Wikipedia
Styrbjörn de Starke (Styrbjörn enn sterki : ca. *960 - †984) weer, wenn man de isländschen Sagas glöven deit, denn Jung vun Keunig Olof II. Björnsson. Nodemm sien Vader dotbleeven weer wull sien Broder und Mit-Keunig Erik Segersäll ni, dat Styrbjörn mit op dem Thron sitten deit und spraak düsset Recht sien egen Söhn, Olof Skötkonung, de noch nümmers boren weer, to.
De erste mol dat Styrbjörn in de Geschicht opdöcht is in een lüdden tiedgenössisch Riemel, een Lausavisa:
Eigi vildu Jótar reiða gjald til skeiða, áðr Styrbjarnar stœði Strandar dýr á landi; nú's Danmarkar dróttinn í drengja lið genginn; landa vanr ok lýða lifir ánauðr hann auðar. [1]
Een kann dorvun utgahn dat fröher gröttere Sagas vun Styrbjörn geven dej. Dat meist Material find sik over in de kotte Geschicht Styrbjarnar þáttr Svíakappa un in Deelen vun de Eyrbyggja Saga un de Hervarar Saga. Snorri Sturluson snackt vun emm in sie Heimskringla un in de Yngvars saga víðförla, de Geschicht vun Ingvar de Wietreiste wo he ünner annerm mit sienem Vetter Styrbjörn vergleeken ward.
In de moderne Literatur tritt he as een Held in Eric Rucker Eddison sien Bok Styrbjörn the Strong (1926) un bi Frans G. Bengtsson Die Abenteuer des Röde Orm als driesten Kerl op.
[Ännern] Översicht
Düsse Översicht ist tosammenfaht ut Styrbjarnar þáttr Svíakappa:
[Ännern] Kinnerstuv
Styrbjörn weer bannig groot, stark und driest (för een Wikinger) un woglieks he man bloot een twölf Jor oolen Bingel weer hal he dat doch torechtkreegen een vun de Deeners Dot to maken de emm, ni ut böse Afsicht, mit een Drinkhoorn op de Nees neien dej.
As sien Vader Dot bleeven weer un sien Unkel Erik ni wull dat he de Steel vun Olof innimp trock he een Schnut un weer furts un för lange tied muhli.
So keem dat dat as he süsstein wör dat Ting beschlooten dej, dat he to driest weer um denn schweedschen Tron to bestiegen. Sien Unkel Erik kunn nu verkünnen dat sien egen Kind sien Nahfulger werden schull, ünner de Bedingunk dat dat een Jung wöör. To'n Utgliek geev he Styrbjör 60 utrüst Langschipp, worup de muksche Styrbjörn sien Süster Gyrid greep un sik von'n Hoff maak.