Stackbusch
From Wikipedia
Stackbusch is en Utdruck för Busch, de för'n Diekbo un för dat Befestigen vun't Över bruukt warrt.
Vun 1950 bet 1970 weer Bremervöör de wichtigste Haven för den Ümslag vun Stackbusch, de mit Bullen ut dat Achterland ankeem un op Evers ümladen worrn is. De Busch wörr de Oost dalschippert un wörr för'n Diekbo an de Küsten vun de Noordsee bruukt. De Stackbusch, de recht veel Ruum bruken dei, wörr, dormit'n de Tragfähigkeit vun't Schipp ok vull utnütten kunn, so packt, dat he na baven hen jümmer wieder över de Boordwänn rutragen dei. De Evers wörrn so wat 3,5 Meter hooch beladen un de Busch raag denn op alle Sieden so wat 2,5 Meter över Boord. Üm dat ganze stabil to holen wörrn de afboten Masten bavenop fastbunnen. De Stackbusch reck bet över dat Föhrerhuus, so dat Stüer un Schuuvregler mit Stangen un Repen länger maakt wörrn, dat de Schipper op't Dack stahn un lenken kunn.
Vun 1970 af nehm de Nafraag na Stackbusch stark af.
