Republik Niger
From Wikipedia
|
|||||
| Amtsspraak | Franzöösch | ||||
| Hooftstadt | Niamey | ||||
| Staatsform | Parlamentarsche Demokratie | ||||
| Präsident | Tandja Mamadou | ||||
| Chef vun de Regeeren | Hama Amadou | ||||
| Grötte | ca. 1.267.000 km² | ||||
| Tall vun Inwohners | 11.665.937 (S 2005) | ||||
| Inwohners up een km² | 9,2 Inwohners up een km² | ||||
| Unafhängig | vun Frankriek an'n 3. August 1960 | ||||
| Währung | CFA-Franc | ||||
| Tietzone | UTC+1 | ||||
| Nationalhymne | La Nigérienne | ||||
| Internet TLD | .ne | ||||
| Vörwahl | +227 | ||||
| Bild:Niger-Pos.png | |||||
 |
|||||
De Republik Niger is een Land in Westafrika. In'n Norden stött dat an de Grenzen vun Algerien un Libyen, in'n Westen an Mali un Burkina Faso, in'n Oosten an den Tschad un in'n Süden an Nigeria un an Benin. Niger is een Staat in dat Binnenland vun Afrika un hett keene Küsten. Een groot Deel vun dat Land maakt de Sahara, de Sahel un de Sudan ut. Niger is een vun de Länner up de Eer, de an'n minnsten vöran kamen sünd. Jümmers wedder hefft se dor mit Dröögheid un to wenig Eten to kriegen. Babenhen hett dat een ganze Reeg vun Versöken geven, de Regeren an sik to rieten. Upstännen vun de Tuareg sünd ok begäng ween. Man in'n Oogenblick sütt dat ut, as wenn een beten Roh inträden weer.
Inholtsverteken |
[Ännern] Land
De Sahara maakt twee Drüddel vun dat Land ut. Bloß een smalle Streek an de Grenz nah Nigeria hen höört to de Sahelzoon to. Düsse Streek is de nördlichst Kant vun de dröög Savann.
[Ännern] Lüe
In'n Norden vun Niger leevt veel Lüe in Oasen oder treckt mit jem ehr Veeh dör dat Land. Veel geeft aber ok de Veehtucht up un treckt in de Städer. Dor is to'n Deel gar keen Platz mehr in. De gröttste Deel vun de Inwohners leevt in den Süden, meist an de Grenz nah Nigeria un Benin. 94% vun de Minschen in den Niger sünd Muslimen, de Rest deelt sik up in Christen un Minschen, de den olen Gloven vun dat Land utöövt.
[Ännern] Volksgruppen
52% vun de Minschen in Niger höört to de Volksgruppen vun de Djerma un de Songhai to. 23% sund Haussa, 8% Tuareg, um un bi 6% Beri Beri un bi 4,3% Fulbe. Denn leevt ok noch bi 3.000 Franzosen in dat Land, meist in de Städer.
[Ännern] Spraken
75% in Niger spreekt Haussa as eerste oder tweete Spraak. Babenhen warrt Franzöösch, Songhai, Fulfulde, Tamascheq, Kanuri un annere Spraken snackt.
[Ännern] Probleme
In'n Dörsnitt bringt de Froonslüe in Niger 7,4 Kinner to'e Welt. Jedet Jahr weert dat 2,75 % Minschen mehr in dat Land. Dat lett nich so, as wenn sik dat ännern scholl, ofschoonst dat grote Probleme för dat Land mitbringt.
74% vun de Mannslüe un 90 % vun de Froonslüe könnt nich Lesen un nich Schrieven. In'n Dörsnitt duurt een Leben in Niger um un bi 42 Jahre.
[Ännern] Historie
Vun fröh af an hefft Minschen in den Niger leevt. As de Islam na dat Land henkeem, weeren dor al Staaten, de wat vörstellen döen. De bleben ok bestahn, bet de Franzosen in dat Land kemen. 1921 is Niger een franzöösch Kolonie binnen Franzöösch-Westafrika wurrn. Dormals sünd de Grenzen tagen wurrn, ahn to kieken, wat dat mit de Kultur vun dat Land un mit de Spraken up sik harr. 1958 is Niger een autonome Republik wurrn un 1960 weer Niger unafhängig. [[1995)) is een Upstand vun de Tuareg to Enn kamen un dat wurr een Verdrag afslaten un Freden maakt. Siet de Wahlen vun 1999 is Tandja Mamadou Präsident. 2004 hefft se em wedder wählt.
[Ännern] Weertschop
In dat Jahr 2001 hett de Volksweertschop vun Niger een Bruttonatschonalprodukt vun knapp 1,7 Milliarden Euro tostann bröcht. Dat sünd 150 Euro up jeden Inwahner vun dat Land in't ganze Jahr. 40% vun dat Inkamen vun dat Land kaamt ut de Landweertschop, man bloß 14% ut de Industrie. Utföhren doot se vör allen Uran. De warrt besunners na Frankriek leevert. Niger is een vun de armsten Länner vun de ganze Eer. 61% vun de Inwahners hefft noch nich mal 1 US-Dollar an'n Dag.
| Länner in Afrika | ||
|
Ägypten | Äquatoriaal-Guinea | Äthiopien | Algerien | Angola | Benin | Botswana | Burkina Faso | Burundi | Dschibuti | Elfenbeenküst | Eritrea | Gabun | Gambia | Ghana | Guinea | Guinea-Bissau | Kamerun | Kap Verde | Kenia | Komoren | Demokraatsche Republiek Kongo | Republiek Kongo | Lesotho | Liberia | Libyen | Madagaskar | Malawi | Mali | Mauretanien | Mauritius | Marokko | Mosambik | Namibia | Niger | Nigeria | Ruanda | Sambia | São Tomé un Príncipe | Senegal | Seychellen | Sierra Leone | Simbabwe | Somalia | Süüdafrika | Sudan | Swasiland | Tansania | Togo | Tschad | Tunesien | Uganda | Zentraalafrikaansche Republiek |
||
| Afhängige Rebeden: Kanarische Inseln | Mayotte | Réunion | St. Helena | Westsahara | ||
Sietenkategorien: Afrika | Land | Niger
