Meteorit vun Gnarrenborg
From Wikipedia
De Meteorit vun Gnarrenborg is en Meteorit, den an’n 13. Mai 1855 bi dat Dörp Gnarrenborg in’t Düvelsmoor vun’n Heven daalkamen is. De fief Steen, de funnen worrn sünd, bröchen 7250 g op de Waag, de gröttste 2750 g. Se sünd Chondriten vun de Klass H3/L3 ut dat Mineral Olivin. De Iesenandeel is 24,76 Perzent. De grote Meteorit liggt hüüt in’t Mineralogsche Institut an de Universität Göttingen, twee Stück in’t Bargwarksmuseum in Clausthal-Zellerfeld, de Rest liggt wohrschienlich in Britische Naturgeschichtliche Museum in London.
