Gulfhuus
From Wikipedia
Däi mäiest hūsen in 't Ōstfräisland bünt gulfhûs. Elker gulfhūs het 'n fööeräen un 'n achteräen. In 't fööeräen wōnen däi lüü, in 't achteräen bünt däi sğüer, däi feistallen un däi gulfen. Dat achteräen is bräider as 't fööeräen um dat dat dak wīder amdåål trukken is. Sō kumt d'r bot föör däi kaustallen up d' äien un däi ūtkübbens up däi anner sīd. Fööer d' kaustallen langs löpt däi kaugâng. Achter 't kaustâl is fan ollers hēr 't gemak un up 't äen fan 't kaugâng is 'n tweidäielt dööer, däi häit fan messeldööer um dat s' dor döör mauten bī 't ūtmessen. Fööer d' gēwel is däi pêrstâl. In d' midden fan d' sğüer bünt däi gulfen wor 't hāj burgen word un 't grôd rêw. Lütjerder rêw un anner gaud kumt in d' ūtkübbens. Up däi sīd fan d' ūtkübbens löpt d'r 'n gâng nåå d' grôd sğüerdööer tau. Däi is sō grōt, dat s' dor mit 'n wåågen döör köönent. Fååk is dor bōven däi grôd sğüerdööer 'n fenster, dat is half rund un het 'n īsdern rååm. In binnen is dat updäielt as wul 't 'n upgååend of dåålend süen dorstellen. Dat dak fan 'n gulfhūs lieğt näit up däi būtenmüren man up 'n holten stååpelwârk wat binnen 't hūs upset't is. 'N ūtsünnerlkhaid fan menniğ oel gulfhûs is däi upkååmer in 't fööeräen. Dat is 'n kååmmer, wat hōğerder lieğt as däi annern um dat dor 'n keller unner is wat man tau 'n häelft unner d' grund is. Fan būten kan 'n dat fååk no gewoer worden um dat ōk däi fensters fersğēlend hōğ in 't müerwârk sitten.
[Ännern] Wie weer dat in normaal Schrievwies?
De meist Husen in't Oostfreesland bünt Gulfhuus. Elker Gulfhuus hett 'n Vörenn un 'n Achterenn. In't Vörenn wohnen de Lü, in't Achterenn bünt de Schüür, de Veehstallen un de Gulfen. Dat Achterenn is breeder as't Vörenn, umdatt dat Dack wieder amdaal trukken is.So kummt dor Bott för de Kohstallen up't Enn un de Utkübbens up de anner Siet. Vör de Kohstallen langs löppt de Kohgang. Achter't Kohstall is van Ollers her 't Gemack un up't Enn van't Kohgang is 'n tweideelt Döör, de heet van Messeldöör, umdatt's dor dörmautten bi't Utmessen. Vör't Gevel is de Peerstall. In't Midden van't Schüür bünt de Gulfen, wor't Hai burgen word un't Groot Reef. Lütjerder Reev un anner Gaut kummt in't Utkübbens. Up de Siet van't Utkübbens löppt dor 'n Gang nah't groot Schüürdöör to. De is so groot, dat's dor mit'n Wagen dör köönt. Faal is dor baben de groot Schüürdöör 'n Finster dat is halfrund un hett 'n iesdern Rahm. In'n Binnen is dat updeelt, as wullt 'n upgahnd of daalend Sünn dorstellen. Dat Dack van't Gulfhuus liggt neet up de Butenmüren, man up'n holten Stapelwark, wat binnen 't Huus upsett is. Een Utsünnerlkheit van meenig ool Gulfhuus is de Upkamer in't Vörenn. Dat is 'n Kamer, wat hogerder liggt, as de annern, umdatt dor 'n Keller unner is, wat man to 'n Hälft unner'n Grund is. Van buten kann 'n dat faak noch gewohr worden, umdatt ok de Fensters verschelend hooch in't Müürwark sitten.