Gootsche Spraak
From Wikipedia
De gootsche Spraak (op Gootsch: gutiska razda) is een oostgermaansche Spraak vun de wi ut een Översetten vun de Bibel ut dat 4. Johrhunnert weten. De Spraak is germaansch, man de hett ok grote Ünnerscheden to de annern bekannten germaanschen Spraken. Un dat is ook de eenzige oostgermaansche Spraak, vun de wi een groten Barg vun Text hebben. Vun de annern hebbt wi man bloots de Naams vun 'n paar Lüüd.
De gootsche Spraak is üm dat Jahr 700 doodbleven. Blots op de Krim lett dat so, dat dor een lütte Koppel vun Goten jümehr Spraak bet ca. 1800 bewahrt hebbt. Dann is ok dat Krimgootsch doodbleven.
