Ferdinand Petrowitsch Baron von Wrangel
From Wikipedia
Ferdinand Petrowitsch Baron von Wrangel, (russisch Фердинанд Петрович Врангель, * 9. Januar 1797 in Pleskau, † 6. Juni 1870 in Dorpat)
Wrangel weer een düütschbaltischen Offzier vun de russisch Marine. He hett vun 1820 - 1824 lange Reisen ünnernohmen noh den Noorden vun Sibirien. He hett de ganze Gegend dor, wo vördem nümms wat vun afwüß, beschreben un up Korten uptekent. Vun 1828 bet 1834 weer he Generolgouverneur vun Russisch-Amerika (vundoog Alaska). 1847 is he Admiraal in Russland wurrn un vun 1853 bet 1858 weer he Minister vun de Marine in Rußland.
In Alaska dreegt de 4.317 m hoge Vulkan Mount Wrangell un de Wrangell Mountains sienen Nomen. In de Noordpolarsee is dat Wrangeleiland noh em nömmt.
Sietenkategorien: Mann | Russland | Historie | Militär
