Wikipedia:Artikel schrieven

From Wikipedia

Disse Siet schall Informatschonen sammeln för alle Lüüd, de Artikel schrieft. Se sammelt Links to wiederföhrende Informatschonen un Tipps för dat Schrieven (un mutt noch erwiedert warrn, dat is noch nich allens).

Informatschonen över de Syntax, de de WikiMedia-Software bruukt, können in dat Wikipedia:Handbook funnen warrn. Dat plattdüütsche Handbook is noch nich schreven, dorum hier de Links to dat hoogdüütsche un dat ingelsche (Handbook un Stil-Handbook).

Wiedere Sieten mit Informatschonen to'n Artikelschrieven:

• Schrievwies vun Tahlen

[Ännern] Plattdüütsche Egennamen

Steden un Dörpen in dat plattdüütsche Spraakrebeet hebbt in de Regel een plattdüütschen Naam, de faken anners is as de hoogdüütsche Naam. Een lütte Sammeln vun Namen is hie to finnen. Buten vun dat plattdüütsche Spraakrebeet hebbt wecke wichtige Steden ok plattdüütsche Namen, avers de mehrsten Namen sünd de sülven as in dat Hoogdüütsche. Steden in fremde Länners hebbt nohbi jümmer de sülve Namen as in dat hoogdüütsche (un in de Amtsspraak, de dor snackt ward).

Personennamen ward ünner normale Ümstänn nich an dat Plattdüütsche anpasst. Wenn de Person ut en Land mit een Amtsspraak kümmt, de mit dat latiensche Alphabet schreven ward, ward de Naam gor nich ännert, wenn dat Land keen latiensch Alphabet bruukt, denn ward de Transkriptschon bruukt, de ok in dat hoogdüütsche bruukt ward, vun wegen dat dat plattdüütsche keen egene Regeln dorför hett.

[Ännern] För de Lüüd, welken mannichmol en Woort fehlt

• Wikipedia:Wöörböker, List vun plattdüütsche Wöörböker (opschreven un in’t Internett)
• Wikipedia:Mi fehlt dat Woort, Fraag annere Brukers, wenn du di mit en plattdüütsch Woort nich seker büst