ചാവുകടല്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇസ്രായേലിനും ജോര്ദാനും ഇടയില് കരകളാല് ചുറ്റപ്പെട്ട ഉപ്പുജല തടാകം (Dead Sea). ഭൂമിയിലെ ഏറ്റവും താഴ്ന്ന ജലാശയമാണ് ഇത്. സമുദ്രനിരപ്പില് നിന്ന് ശരാശരി 1312 അടി (400 മീറ്റര്) താഴെ നില്ക്കുന്നു. 80 കി. മീ. നീളവും 18 കി. മീ. വീതിയും ഉള്ള ഇതിന്റെ വടക്കേ പകുതി ജോര്ദാനുള്ളതാകുന്നു. തെക്കേ പകുതി ജോര്ദാനും ഇസ്രായേലിനുമുള്ളതാകുന്നു. എന്നിരുന്നാലും 1967-ലെ അറബ്-ഇസ്രായേല് യുദ്ധത്തിനു ശേഷം ഇതിന്റെ പടിഞ്ഞാറന് ഭാഗത്തെ മുഴുവന് ഭാഗവും ഇസ്രായേലിന്റെ പക്കലാണുള്ളത്. പടിഞ്ഞാറ് ജൂദായിയുടെയും കിഴക്ക് ജോര്ദാനിയന് പീഠഭൂമികളുടെയും ഇടയില് ചാവുകടല് സ്ഥിതിചെയ്യുന്നു. ജോര്ദാന് നദിയില് നിന്നണ് ചാവുകടലിലേക്ക് വെള്ളമെത്തുന്നത്. ഈ ഭാഗത്തെ ആകെയുള്ള ജല സ്രോതാസായ ജോര്ദാന് നദിയിലെ പരമാവധി ജലം കുടിവെള്ളത്തിനും മറ്റും ഉപയോഗിക്കുന്നതുകൊണ്ട് ചാവുകടലിലേക്കുള്ള ജല പ്രവാഹം ഇപ്പോള് നിലച്ചിരിക്കുകയാണ്. ഇതുമൂലം ചാവുകടലിന്റെ നീളവും വീതിയും കുറഞ്ഞുവരികയാണ്.