Разговор со корисник:Zdravko

Од Википедија, слободна енциклопедија

Први чекори Страницата за помош и ЧПП ќе ви помогнат по регистрацијата. Тие објаснуваат како да се користи Википедија, како да се уредуваат статии и како статиите треба да изгледаат. Погледнете и како да почнете нова статија. Не треба да имате некакви стручни знаења за да допринесете на Википедија. Работете слободно на Википедија и разговарајте со другите. Ова е вики - сè е едноставно. Помош Повеќе информации се достапни на Порталот каде што можете да ги поставите Вашите прашања. Прашањето може да го поставите и на ИРЦ, каде веднаш ќе добиете одговор. Можете да ги контактирате и администраторите доколку имате некое посебно прашање.

Совети Поставете Вавилон табела и кориснички шаблони на Вашата корисничка страница, со цел другите да знаат кои јазици ги познавате / зборувате, што Ве интересира, со што се занимавате и сл. Ве молиме да се потпишувате на страниците за разговор користејќи ~~~~ (четири тилди). При подигнување на слики користете ги точните шаблони за лиценцирање. Од време на време погледнувајте ги скорешните промени, каде можете да видите што се случува на Википедија и да ја следите неуморната работа на активните корисници. Уште прашања? Водете сметка за авторските права при пишувањето на статиите. Статиите кои ги злоупотребуваат авторските права ќе бидат избришани.

Содржина 1 Его 2 За времето 3 Одговор 4 За цитатот 5 request 6 Прашање 7 Избрзаност

[уреди] Его

Супер е статијата во Его! Напишана за поширока публика, а сепак ги опишува фундаментални придобивки на Википедија! Мислам дека луѓето допрва ќе го сфаќаат поширокото културно значење на Википедија (не зборувам само за Македонија), бидејќи во неа гледаат само корисна енциклопедија. Факт е дека Википедија е нешто повеќе од тоа - тоа е голем процес на де-елитизација на образовниот процес, и воопшто, демократизација на медиумите. Колку е тоа добро или лошо, ќе покаже времето, во секој случај, е неизбежно. Поздрав! --FlavrSavr 22:59, 8 Март 2006 (UTC)

[уреди] За времето

Се разбира, корекциите може да ги прави секој. Тоа што сум администратор не менува ништо. Еве зошто сметам дека тоа време е несоодветно - цитирам парафразирано, бидејќи не паметам од збор до збор:

Кога Македонија се здобиваше со својата културна независност

По мене (и по сите книги што сум ги читал) може да биде:

или:

1. Тогаш Македонија се здобива со културна независност,

или:

1. Кога Македонија се здобивала со својата културна независнист

Тоа е заради тоа што не сме биле присутни во моментот кога тоа се случувало, значи не раскажуваме случка од личното искуство, а ниту пак тоа се случило пред кратко време (затоа во тој стил пишуваат весниците). Единствената алтернатива на „ученичкото“ пишување (бр.2) е историското сегашно време (бр.1) кое се употребува против сувопарност. Мислам дека ти мислеше на вторава варијанта кога рече дека немора да биде ученички. Друга и не постои.

• Ако сметаш дека е потребно, согласен сум да отвориме дебата. На крајот на краиштата тука сум да помогнам, а не да одмогнам :-) Поздрав . --Б. Јанкулоски^{разговор} 10:30, 22 Мај 2006 (UTC)

Напишав нешто за ова на соодветната страница за разговор, каде што би требало да се префрли оваа дебата (за да можат и другите корисници евентуално да се вклучат во неа). --FlavrSavr 12:59, 22 Мај 2006 (UTC)

---

• Договорот беше двајцата да ги следиме двата можни формата:

или

1. Х оди во Петроград...

или

1. Х отишол/бил во Петроград...

Како што реков, „беше“ и нему сличните се неприфатливи вон белетристиката. Не ни пробувај да се жалиш зошто никој не мисли како тебе (проверено). Тоа ти е залудно, со гаранција. За уредувања кои не се вандализам (туку напротив, корекција на грешки во изразувањето) никој нема ни да помисли да го оспори моето право како администратор (види правилник). Ова не е губење време на „ситници“. Прво мора да се воспостави начинот на пишување, па потоа да се пишува. --Б. Јанкулоски^{разговор} 10:58, 26 Мај 2006 (UTC)

Било кој од двата, но никако „беше“ и сл (значи не некој трет). Се надевам дека наполно ја воочуваш разликата помеѓу 1, 2 и друото. Не гледам како ти солам памет. Јас само ти давам совети. Можеби те вознемирува тоа што се напишани во дефанзивен формат - тоа би било резултат на твојот стил на разговор, а не обратно. Но не гледам никаква „офанзива“ во нив. --Б. Јанкулоски^{разговор} 11:20, 26 Мај 2006 (UTC)

• Ти воопшто не спомна предходно дека сакаш или секој да прави по свое или да браниме користење на времиња. Ако мислиш нешто, изјасни се. Ова што сега го кажуваш (што е ново за мене) не е компромис. Времињата кои јас ги користам се добро воспоставени и можеш да видиш дека сите корисници ги користат тие времиња. Кориснику Zdravko, би сакал да те потсетам дека личните навреди резултираат со блок (види: Википедија:Портал/Википолитика). И за крај, да те потсетам...тоа што ти го форсираш не само што никаде го нема, туку и ниеден корисник не се согласува со тебе. А ако граматиката ја сметаш за догма, тогаш дефинитивно си на погрешно место. --Б. Јанкулоски^{разговор} 21:31, 28 Мај 2006 (UTC)

Можеш ли да го видиш: Википедија:Портал/Правопис и граматика? Се отвори поширока дискусија во врска со употребата на времињата во статиите, која создаде доста негативна енергија во Википедијава, и би сакал да ја решиме со некакво заедничко решение. --FlavrSavr 23:08, 11 Јуни 2006 (UTC)

---

• Погледај го последниот постинг на дното од Википедија:Портал/Правопис и граматика. Мислам дека би било фер да бидеш информиран. Фала. --Б. Јанкулоски^{разговор} 08:53, 12 Јуни 2006 (UTC)

[уреди] Одговор

Интересно е тоа што сметаш дека некои статии ми се неважни :-) Ќе го земам тоа в предвид. Само незнам по кој критериум ги сметаш за такви - дали дека лично тебе не те интересираат или дека навистина сметаш дека никој никогаш нема да се заинтересира да ги прочита? Во секој случај тие се многу ретки и главно сум ги пишувал од чиста забава. Примери: Чепкање нос, Митар Мириќ, Шабан Шаулиќ, Синан Сакиќ и Стоја. На други неможам да се сетам, може да ги има. Најверојатно мислиш на нив.

Не гледам ништо догматично во правилно користење на македонскиот јазик во една енциклопедија. Мојата изричитост е релативна. Како? Епа ете, како што корисникот Amacos забележа пред некој ден, нашата администрација е премногу мека. Можеш и сам да приметиш дека грците и бугарите прават 'ршум, а администраториве дубат на трепки случајно да не ги навределе. Тоа го нема никаде. По меѓународни стандарди јас сум сосема прописен администратор, верувај ми, сум читал разни Википедии и не нагаѓам.

Далеку од тоа дека сакам да те избркам. Не само што си квалитетен како уредник, туку и обработуваш теми кои никој друг не ги обработува. Значи ти би претставувал загуба за Википедија. Но кога ќе се пропише правилото користење на времиња, жалам, но ќе мораш да се придржуваш. Доколку тоа за тебе е толку неподносливо, за да мораш да нè напуштиш, немам што друго да ти кажам. Твој избор. Лично сметам дека тоа е многу драстичен чекор, но ако ти се чувствуваш поразен (што не било ничија намера) и сметаш дека веќе неможеш да фигурираш на нашите страници, не би било фер да те тераме на спротивното. Те уверувам дека како администратор никогаш не сум делувал со намера да повредам нечија суета, па макар и во големи несогласности.

Во случај да решиш да ги користиш пропишаните времиња, имам планови за соработка. На пр. можеме да направиме портал на тема на твојата специјалност кој јас се нафаќам да го администрирам, а ти да го уредуваш со дотогаш напишаните статии и други содржини. Истиот, доколку си заинтересиран, подоцна би можел да го промовираш во твоите кругови (Marxist.org) и сл. Исто така можеме да изработуваме шаблони на дадените теми и други работи. Но сето тоа под гореспоменатиот услов. Ако сметаш дека сепак треба да си одиш, сигурно нема да те држам. --Б. Јанкулоски^{разговор} 11:52, 12 Јуни 2006 (UTC)

• Па да. Но се разбира, како ќе изгласаат корисниците, така ќе мора да биде. Ти слободно изложувај ги сите комплексности на темата, и зошто сметаш дека нешто треба да биде поинаку во друг случај, а нивно ќе биде да просудат. Но штом се изгласа, темата веќе е запечатена и секој ќе мора да се придржува. Било што друго би значело нарушување на демократскиот карактер на енциклопедијава. А нели, сите ние сме следбеници на латинскиот републикански императив: Vox pupuli - vox dei. --Б. Јанкулоски^{разговор} 12:40, 12 Јуни 2006 (UTC)

[уреди] За цитатот

Во цитатот: „Големите ни изгледаат големи, бидејќи ние сме на колења. Да станеме!“ има две букви на кои им треба исправка - њ --> н во „колења“ и ни --> нѝ. --Б. Јанкулоски^{разговор} 13:14, 13 Јуни 2006 (UTC)

• „нè“ (директен предмет) се пиши со надреден знак оти „не“ значи нешто друго (негација), ама „нѝ“ не постој во македонскио јазик оти не постој друг збор „ни“ освен тој шо означва индиректен предмет па така индиректен предмет прво лице множина (ни) се пиши без надреден знак. а за колења - колења си е уствари колена, за то се сложвам.

Guitardemon666^муабет 12:38, 17 септември 2006 (UTC)

[уреди] request

Hello. I have got one request for you. I need sentence "sugar in 350 languages" in Macedonian (I want to do a logo of my site). So, can you write me what`s called sentence "sugar in 350 languages" in Macedonian? Thank you very much! Szoltys

[уреди] Прашање

Сакав да прашам зошто во историја на статијата за Силвија Плат го нема и моето име. Ќе можеш ли да ми кажеш затоа што видов дека секој кој направил некаква промена бил забележан, а мене ме нема, дури и во моите придонеси исто така нема податоци за статијата за Силвија Плат, дали има врска тоа дали си најавен или не? Ако не си најавен ги нема твоите податоци? Фала многу --Корисник:Inajor 21.09.2006

[уреди] Избрзаност

Бидејќи секој може слободно да ги преместува насловите, јас не гледам дека сум поголем авторитет врз нив отколку било кој друг. Покрај тоа, сега и двете варијанти водат кон истата статија, така што никој не е загрозен. Доколку некој смета дека сепак цртичките треба да стојат, слободно нека ги врати, но со аргумент. Аргументот за оваа промена веќе го дадовме јас и ти. Впрочем не се ни отвори некоја силна дискусија на ова тема, за да треба да се гласа или нешто слично. Кога ќе (и ако) се отвори, дури тогаш можеме да заклучиме дали овој потег е избрзан или не. Дотогаш останува правилен. --Б. Јанкулоски^{разговор} 11:37, 19 декември 2006 (UTC)

Таман работа. Кога сум рекол дека може да се менува, нема што да правам проблеми. Само треба да се каже зошто тоа се прави. --Б. Јанкулоски^{разговор} 21:01, 19 декември 2006 (UTC)