Стапка (должина)

Од Википедија, слободна енциклопедија

1 стапка =
Меѓународни единици
0.305 m	304.8×10⁻⁶ km
304.8 mm	3.048×10⁹ Å
2.037×10⁻¹² АЕ	32.218×10⁻¹⁸ СГ
Амер. мер. ед / Брит. мер. ед.
12 in	1 ft
0.333 yd	189.394×10⁻⁶ милји

Стапка (англиски: foot, множ. feet); симбол или кратенка: ft или понекогаш, ′ - прим е единица мерка за должина во разни системи како англиските, британските и американските мерни единици. Должината и варира од систем до систем, но секоја е околу четвртина до третина метар. Денес најчсто се користи меѓународната стапка. Во 1 јарда има 3 стапки, а во една стапка има 12 инча.

Стапката е честа мерна единица во САД, Обединетото Кралство и Канада. Во САД и ОК личната висина се изразува во стапки и инчи. Во Канада пак, сè повеќе се употребуваат метри за висина, а стапки за растојание.

[уреди] Меѓународна стапка

Во 1958 во САД и земјите од Комонвелтот меѓународната јарда е дефинирана како 0.9144 метри. Така, мешународната стапка се дефинира како еднаква на 0.3048 метри (еквивалент на 30.48 сантиметри).

Стандардниот меѓународен симбол за стапка е „ft“ (видете ISO 31-1, Анекс A). Во некои случаи се користи прим, кој е многу сличен на апостроф, а инчот со прим. на пример, 6 стапки 2 инча се пишува како 6′2″. Ова е збунително зошто примот и двојниот прим се исто така симболи за аркминути и арксекунди.

[уреди] Американска геометарска стапка

Во САД геометарската стапка се дефинира како 1200/3937 метри. Се користи исклучиво за мерења на Американската крајбрежна и геодетска инспекциј. Оваа стапка е поголема за 610 наномети од меѓународната стапка. [1]

[уреди] Историјат

Стапката како мерка се користела речиси во сите култури и се делела на 12 или понекогаш 10 инча/палца или на 16 прсти. Првата позната стандардна стапка постоела во Сумерија, каде е дефинирана на статуата на Гудеја од Лагаш околу 2575 п.н.е.. Некои метролози сметат дека стапката била прифатена и како египетска мерка во Стара Грција и дека токму од таму римјаните ја презеле својата стапка (која е поголема).