Музеј на современа уметност Скопје

Од Википедија, слободна енциклопедија

ВНИМАНИЕ
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.

Музејот на современата уметност (МСУ) во Скопје е најкомпетентна и највлијателна институција во Република Македонија во откривањето, негувањето и ширењето на високите вредности што се создаваат во уметноста и културата на нашето време.

Тој располага со драгоцена меѓународна колекција и дава репрезентативен увид во македонската современа уметност. Покрај колекцијата, Музејот во своите простори организира и претставува врвни изложби и манифестации на македонската и странска уметност, разговори со уметници, трибини, филмски и видео проекции, предавања и разни други пропратни активности.

[уреди] Историја

На 26 јули 1963, рано наутро во 5.17, катастрофален земјотрес го разруши заспаното Скопје. Сликите и вестите од оваа катаклизма, во која загинаа повеќе од 1000 луѓе, се најдоа на првите страници од светските медиуми. Потребата за мобилизација во надминувањето на уништувачките последици беше огромна и со планетарни димензии...

[уреди] Првите донации

Светската заедница покажа извонредно широка солидарност со која ја помогна обновата на Скопје. Како значаен дел од оваа солидарност беше и акцијата покрената од страна на Меѓународното здружение на пластичните уметности, кое на својот конгрес одржан во октомври 1963 во Њујорк, упати повик до уметниците во светот да помогнат во создавањето колекција на уметнички дела со која ќе ја поттикнат визијата за обновата на градот.

[уреди] Новата зграда

Прекрасно вклопена во конфигурацијата на скопското Кале и опкружена со панорамата на градот, зградата на МСУ, подигната во 1970 година, е извонреден пример на архитектурата на доцниот модернизам и симбол на после земјотресната обнова на Скопје. Проектот за зградата е донација на полската Влада, којашто за таа цел распиша национален конкурс на кој беше прифатено заедничкото дело на полските архитекти Ј. Мокшински, Е. Вјежбицки и В. Клишевски. Зафаќајќи вкупна површина од 5000 квадратни метри, зградата на МСУ ја сочинуваат три поврзани крила во кои се распоредени салите за повремени изложби, просторот за постојаната поставка, салата за предавања, филмски и видео проекции, библиотека и архива, администрацијата, конзерваторската работилница, депоата и други помошни служби. Големите парковски површини, кои овозможуваат инсталирање на разни скулпторски проекти, како и пространиот паркинг ја дополнуваат непосредната околина на Музејот на современа уметност.

[уреди] 900 Изложби

Покрај колекцијата, МСУ организира и претставува домашни и меѓународни изложбени проекти од областа на уметноста, фотографијата и архитектурата. Тој е единствена институција во Македонија којашто континуирано цобира и обработува комплетна документација за македонската уметност. Тој исто така е единствена институција кадешто се прикажуваат историски релевантни филмски дела, но и посебно конципирани авторски или национални програми од рецентната филмска продукција. Значаен дел во дејствувањето на МСУ завземаат и видео програмите, перформансите, предавањата, трибините, семинарите и разни други придружни активности. Екстензијата во специфичните едукативни активности имаат за цел да ја приближат уметноста до што поголем број заинтересирана публика. Кон овие намери се придружува исто така и се пораширената издавачка дејност на МСУ со посебни филмски, едукативни и критичко-теориски изданија, како и издавањето на “Големото стакло”, единственото списание во Македонија посветено на визуелните уметности.

[уреди] Постојани изложби

Музејот денес располага со богата меѓународна и репрезентативна национална колекција од вкупно 4630 експонати кои постојано се дополнуваат со нови подароци и донации од реномирани уметници, а добиени во директен контакт со авторите и сопствениците или по повод реализацијата на одделни изложбени проекти.

[уреди] Организација на МСУ Скопје

Со музејот раководи директор, а во одделенијата има од еден до пет кустоси. Покрај основната музејска активност што е во ингеренции на Одделот за збирки и депоа, функционирањето и на другите оддели е мошне важно во надополнувањето и реализацијата на програмата. Тоа се: