Интернет пребарувач
Од Википедија, слободна енциклопедија
Интернет пребарувач претставува интернет сервис, чија цел е да пребарува информации на интернет (пред сè со впишување на клучни зборови или фраза). Резултатите од пребарувањето најчесто се прикажани како список на веб-адреси кој ги содржат бараните информации.
Пребарувачите прибираат информации за тоа што сè има на вебот кои потоа ги ставаат на располагање на нивните корисници. Некои од нив користат т.н. пајаци (spiders), односно автоматизирани разгледувачи, кои ги крстосуваат веб-страниците „скокајќи“ од линк на линк. Други пак, меѓу кои и Најди!, ги примаат податоците преку други извори, на пример директно од веб-сајтовите кои произведуваат нови содржини.
