Д.Н.О.
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
ДНО, што во проширена форма значи Друштво со неограничена одговорност, е состав кој последниве две и пол - две го одржаа во животот музичарите: Емин Џијан, Иван Бејков, Владимир Поп Христов и Бојан Угриновски. Проект Злуст, пак, е проект на бендот со кој тие најпрво и се претставија на јавноста. Впрочем, се работи за два материјала: еден мини-албум - Проект Злуст, работен во студио, кој трае 20 минути, и еден материјал што е снимен во живо на летниот џез-фестивал во Куманово, кој содржи 50 минути музика и претставува жива варијанта на студиските теми. Мини-албумот во мај 2001. година е реализиран како интересна идеја да не се најде во официјална продажба, туку да се добива како цеде-подарок со списанието Маргина. Во меѓувреме е измиксан и концертот од Куманово и тој е подготвен за издавање. За неупатените нивната музика е прилично стилски неодредена и се движи од амбиенталното до акустичното, а сето тоа се должи и на учеството на многуте луѓе присутни во реализацијата на овој проект. Што се однесува до самите песни, тие се доста едноставни, меѓутоа формата, аранжманот, користењето разни инструменти како солистички (виолина, кларинет, гитара, труба, клавир, вокал) и продукција - придонесуваат целата музика да звучи доста интересно. На цедето можат да се чујат влијанија од електронската музика, џезот, етното, модерната и сериозната музика, кои по пат на експериментирање се ставаат во разни амбиенти и се добива финалниот производ, кој за нив е (велат) многу важен. Освен ударната четворка: Џијан - Бејков - Поп Христов - Угриновски, Дно го сочинуваат и: Мишко Парушев, Газменд Бериша, Сашо Спасовски, Владимир Крстев, Медо Чун... Стратешкиот интерес на овој состав, кој со покомерцијалните теми: Одиме до крај, Sweeet Love... веќе го најде патот до пошироката јавност, е пробив на странскиот пазар, за кој преговорите се веќе во тек. Паралелно со тоа, течат реализациите на нивните проекти на македонски и на англиски јазик, а групата, заедно со францускиот музичар Оливие Самоулиан интензивно работи и на саундтракот за филмот на Теона Митевска - Како убив светец.
