Ацо Караманов
Од Википедија, слободна енциклопедија
Ацо Караманов (1927 - 1944) е македонски поет.
Караманов е роден во Радовиш. Уште во почетокот на своето школување пројавува афинитет кон творештвото, песни почнал да пишува на 9-годишна возраст. Караманов спаѓа во редот на плејадата македонски родољуби, кои своите животи ги положија во виорот на НОБ, борејќи се против фашистичкиот непријател. Овој талентиран писател живееше само 17 години, но неговите хумани пораки запишани во стихотворбите, останаа и остануваат да сведочат за творечките и младечките љубопитства, за детската визија за поубавиот свет, за недосонуваното и недоживеано слободарско утро.
Загина како борец на Четвртата бригада, во близина на Берово, кај месноста Петлец. Беше погоден од непријателски куршум во цутот на својата младост, во денот кога го испеја и последниот стих "Ние и кога умираме треба да пееме". Токму затоа, да се говори за поетот-борец, за поетот идеалист, за таа исклучителна и по многу нешта неповторлива личност во македонската литература, тоа знаши уште еднаш да се потсетиме на неговиот краток но бурен живот, исполнет со младешки занес, со длабоки пориви и творечки резултати, инспирирани од тешкиот живот на македонскиот народ и од беспрекорниот хероизам на борците.