Tovo J'Hay
Avy amin'i Wikipedia
Ny tena anaran'i Tovo J'Hay dia Ratovondrahona Herinirina. Sady mihira izay no mpitendry zavamaneno toy ny vata maro afitsoka. Voafidy ho Mpanakanto malagasy mendrika indrindra izy tamin'ny taona 2003.
Nanomboka nihira tamin'ny tarika Maxi izy tany amin'ny taona 90 tany niaraka tamina mpanakanto toa an'i Mbolatiana izay tsy zoviana amintsika intsony. Ary taty amin'ny taona 2000 izy vao nandeha irery.
Manana fomba fihira mampiavaka azy i Tovo H'Hay dia feno angola sy angoty. Manavanana azy tokoa ny famoronana feonkira mandrotsirotsy na koa mampientanentana.
Ny mpanoratra ny tonon-kirany matetika dia Ny Eja, mpanoratra vavy malagasy.
Efa namoaka rakikira telo izao izy ary nankalaza ny faha-dimy taona nihirany tamin'ity taona 2005 ity.
Izy irery hatramin'izao no mpanakanto nikarakaran'ny Media Consulting hetsika "Che Bel Canto" indroa. Manamarika ny fitiavan'ny mpakafy azy izany.
Tonon-kira voahevitra miaraka amin'ny feony tena kanto lalaovin'ireo matianina sangany, ireo no antoky ny fahombiazan'i Tovo J'Hay.