Canz
From Wikipedia
Canz l’è on comun italian de 5035 personn de la provincia de Comm, in del Triangol del Lari, in di Prealp lombard.
Cuntegnüü |
[redatá] Sitt
L’è l’ultim paes de l’Alta Brianza al confin con la Valassina, piazzaa in d’ona vall cont in gir in gir i mont Corniscioeu, Corni o Colonghej, Barzaghin e Scioscia.
L’è traversaa del torrent Ravela, ch’intorno gh’è nassuu ‘l paes vecc, e, a levant, un pô del fium Lamber in manera de torrent, ch’el vegn giò da la Valassina lì tacada; poeu gh’inn tanti font in di montagn del paes, e on lagh, el Lagh del Segrin, in comun cont i paes de Eupili e de Longon.
[redatá] Storia
[redatá] Quand el nass el paes
El nomm del loeuch Canz el vegn forsi del latin Cantius, che in de l’istessa manera el vegn de ona parola celtica (= "spigol", parland di montagn; vedè ted. Kantzel=pulpit, Kante=spigol > lmo. mil. canton; vedè ing. Kent).
I primm omen ch’inn vegnuu a stà a Canz, per quell che se sà, inn vegnuu in de la fin de la giazzada del Würm, in de l’etaa mezana de la prea (press a 10000 ann fà). El casott de cascia a 900 meter sul mont Raj l’è staa doperaa d’estaa fin a l’etaa mezana del bronz.
L’etaa del ramm (press a 4000 ann fà) l’è marcada de la testimonianza de ona tomba a cavagna cont cepp, trovada in di loeugh di Budracch. La tomba l’è stada fada anmò su tutta in del giardin di scoeul “F. Turaa”.
De l’etaa vegia del bronz gh’è on alp su la riva del Lagh del Segrin de la part de Canz. L’avè trovaa i rest de quell alp chì l’à avuu un bell pês per cognoss i primm gent stabil in Alta Brianza.
El primm paes in del sitt d’incoeu l’è de l’etaa di Roman, quand ànn marcaa i strad maggior per soldaa e marcant. De quell temp chì l’è stada trovada on cepp arent al Lagh del Segrin per marcà i distanz su la strada, inveci in del 1822 l’è saltada foeu ona tomba romana cont i sò arnes.
