Dzhûan Tshei an Hɐr
Dhiworth Wikipedia, an godhoniador rydh
Dzhûan Tshei an Hɐr, po Jooan Chei a Horr (Jowann Chi an Hordh yn Kernewek Kemmyn, Jowan Chy an Horth yn Kernewek Unys) yw hwedhel berr an werin yn Kernewek diwedhes. Nicholas Boson hag Edward Lhuyd a skrifas vershyons war an hwedhel ma. Yma tekst Edward Lhuyd yn Archaeologia Britannica (1707). William Pryce a dhyllas an tekst hwath yn Archaeologia Cornu-Britannica (1790) yn-dann y hanow y honan.
Yn termyn an Dasserghyans, John Page a dhyllas dielvennans gramasek a'n hwedhel ("Jowan Chy an Horth Examined", 1982). Jowann Richards a skrifas dyllans nowydh a'n hwedhel ma gans tekst an vammskrif ha 'treylyans' yn lytherennans Kernewek Kemmyn ("Yowann Chi an Hordh", 1987).
Jowann a as y ji ha'y wreg rag hwilas hwel dhe wul. Ev a drov mester a ri dhodho tri 'foynt a skians' yn le gobrow. Wosa servya an mester ma dres teyr blydhen, Jowann a dehwel dh'y ji. Gans sywya an poyntow a skians, Jowann a sawy y gowetha (omsettys gans ladron). Yn tre dhe-rag, Jowann a drov bos gobrow y hwel yn y boket – y vester re'ga ros dhodho yn hwir. Hag yth esa y wreg gans flogh pan asas ev, heb godhvos an pyth; ytho, yma baban nowydh dhodho.
