Pünnte Wiltshausen
Uß de Wikipedia för Ripuarisch Shprooche.
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Di Pünte vun Wiltshausen iß en kleeijne Feer. Se jeijt zwesche Wiltshause unn Ammdörf övver de Jümme. Dat eß direktemang beij dä Münndungk vun dä Jümme ėn de Leda, di dann noo zeen Killomeetere koot hinger Leer in de Ems leuf.
De Oot Wilthause hüürt ėn de Landkring vun Leer ėn Ostfriesland, wadd_ene Deijl vun Needersakkße eß.
Di Pünnt weed hück noch vun Hand jetrokke. Se iß de äälßte Feer in iirer Aat em Norrde vun Euroopa, di et noch jitt.
Enhalldtß_Övverseesh |
[Änndere] Fun Frööer beß Hück
Di Pünnt wood ald ėm Joohr 1562 ėn_enner Uurkund jenanndt.
Bėß in_et Joohr 1975 errin wood se zolezz vum Landkringg bedrivve un sullt dann ennjeshtellt wääde, weijl se Dänne vumm Kring ze düür jewoode woo.
Koum woo dä Beschloßß im Joohr 1974 bekanndt jejovve, do daat sish tiregg_enne Knubbell Minnsche uß dä Jääjend zosamme. Se hann e paa Fersammlunge jemaat un dä „Verein zur Förderung und Erhaltung der historischen Pünte als Denkmal auf dem Wasser e.V.“ ußß_der Deuf jehovve. Dä Vereijn hätt de Fäärbedrief ėm Joohr 1988 widder opjenůmme.
2002 schleeßlich wood di Pünnt onger Dengkmoolschozz jestelldt alß e teschnish Dengkmool, wadd_och noch bewääshlijj_eß.
[Änndere] Dat Scheff
Dat Boot ess_enne flache offene Prahm, wij_e en dä Emsjääjendt zick Joohonndete jebout woode sinn. Et es neu üvverhollt woode, befür dä Vereijn dä Betriep widder opjenomme hatt. Ä weed am Siejl övver der Floßß jetrokke, un op der Ungersig fo_m Jrundsiejl odder Föörungßsijel en de baan jehallde. Do paßße nit mieh wie dreij nommaaale Autos drop, unn_et künne öm de drißßish mann metfaare.
[Änndere] En Övverfaat
En Övverfaat weed jemaat beij Bedarrf un dooht nėt lang. Se koßß föe eine Minsch enne hallve Euro, met Faarad ne jannze, für e Auto met Faarer dreij Euros.
Faare kann mer vum_Metwoch beß_ßunndaach in dä Zick vum_Meeij beß_ßeptemmber. Jannz lloo eß dat de Tůrrißtesäsong, odder mer künnt och saare, für de Eijnheimische alleijn loond_et sich sönß ėmmer no_nit, ävver di Fäärlück wolle doch och enz jett rau hann.
[Änndere] Dä Vereijn
Dä „Pünten-Verein“ wie hä koot jenanndt weed, woo vun aanbejinn en Aat Bürrjerbewääjung met a paa hunndert eijnheijmische Metmaacher. Shpääder sin Minnsche uß aller Weldt do zo jekumme. Sujaa Lück, di di Pünnt no_nie met eijene Oure jesinn hann. Op dä Faaschinge vun dä Pünnt un dofüür vun anndere Fääre wo di Wiltshüüser jood frünnd met woore, do joov_et Reklame för dä Vereijn un mer kunnt jlish beijtredde. Un wenn Der Verwande unn Bekannte sujet ussem Urlaub met heijm brenge …
En Metjleedschavv_em Vereijn koßß hück jez blooß noch zeen Euro em Joohr. Dä Vereijn eß jannz offizzjäll aanerkanndt az „gemeinnützig“ — un hä kütt zick de 1980_er Joohre oone Jellt vum Shtaat odde_fům Lanndt uß. Unn dat eß_jätt, woo_di Lück em Vereijn shtollz drop sinn.
[Änndere] Däm Vereijn sing Addräßß
- Pünten-Verein, Postfach 1880, 26789 Leer
[Änndere] Ußßerdämm
- Anndere Pünnten im Kring Leer: Halte, Hilkenborg, Esklum, Loga.
Di woote all no füür Wiltshause shtilljelaat.
