საქართველოს ტექნიკური უნივერსიტეტი
ვიკიპედიიდან
საქართველოს ტექნიკური უნივერსიტეტი (ყოფილი ლენინის სახ. საქართველოს პოლიტექნიკური ინსტიტუტი) დაფუძნდა 1922 წელს როგორც თბილისის სახელმწიფო უნივერსიტეტის პოლიტექნიკური ფაკულტეტი. პირველი ლექცია ამ დაწესებულებაში განთქმულმა მათემატიკოსმა ალექსანდრე რაზმაძემ წაიკითხა.
1928 წელს გადაკეთდა დამოუკიდებელ ”საქართველოს პოლიტექნიკურ ინსტიტუტად, ხოლო უნივერსიტეტის სტატუსი 1990 წელს მიენიჭა. ტექნიკურ უნივერსიტეტს ამჟამად ყოველწლიურად 12000-მდე სტუდენტი, 1500 პროფესორ-მასწავლებელი და საშტატო მოსამსახურე ჰყავს. უნივერსიტეტის მთავარი ფაკულტეტებია: სამოქალაქო ინჟინერია, ენერგეტიკა და ტელეკომუნიკაციები, გეოლოგია, ქიმია და მეტალურგია, ტრანსპორტი და ავტომატური ინჟინერინგი, არქიტექტურა, საავიაციო ინჟინერინგი, ინფორმატიკა და ფუნდამენტალური მეცნიერებანი. არც თუ ისე დიდი ხნის წინ დაემატა ასევე ”ჰუმანიტარული ფაკულტეტი”, რომელშიც შედის ყველა ლიბერალურ მეცნიერებათა და ეკონომიკის განყოფილება, რომელიც სტუ-ში ბოლო ათი წლის განმავლობასი ფუნქციონირებდა.
სტუ-მა ბოლო 80 წლის განმავლობაში საქართველოს ინჟინერთა, ქიმიკოსთა და მეცნიერული ინდუსტრიის სპეციალისტთა 60% გამოუშვა. ბოლო წლებში სტუ-ს ფარგლებში ჩამოყალიბდა რამდენიმე დამატებითი სასწავლო დაწესებულება, მათ შორის ”კავკასიის ბიზნეს სკოლა” (თსუ-ს, სტუ-სა და ჯორჯია სტეიტ უნივერსიტეტის ერთობლივი პროექტი), გერმანული სწავლების ფაკულტეტი, ფრანკო-ქართული სწავლების ფაკულტეტი და სისკოს ქსელების აკადემია. სტუ-ს ქვეყნის მასშტაბით 13 ფილიალი და დაქვემდებარებული დაწესებულება გააჩნია.
სტუ-ს სამეცნიორე ბიბლიოთეკა საქართველოში ერთ-ერთი უდიდესთაგანია, შედგება რა 1.254.000 წიგნისგან, რომელთა შორის მრავალი უნიკალური და იშვიათი ეგზემპლარებია, და 500.000 პერიოდული გამოცემისგან. ამჟამად უნივერსიტეტში მიმდინარეობს ბიბლიოთეკის კოლექციის დიგიტაციის პროცესი.