საქართველოს პარლამენტის თავმჯდომარეები
ვიკიპედიიდან
საქართველოს პარლამენტის თავმჯდომარე არის ქვეყნის უმაღლესი წარმომადგენლობითი ორგანოს თანამდებობის პირი, რომელიც უძღვება პარლამენტის მუშაობას, უზრუნველყოფს აზრის თავისუფალ გამოხატვას, ხელს აწერს პარლამენტის მიერ მიღებულ აქტებს, ასრულებს რეგლამენტით გათვალისწინებულ სხვა უფლებამოსილებებს.
თანამდებობა პირველად შემოღებულ იქნა საქართველოს დემოკრატიული რესპუბლიკის დროს. 1918 წლის მაისიდან ოქტომბრამდე საქართველოს უმაღლეს წარმომადგენლობით ორგანოს საქართველოს ეროვნული საბჭო ერქვა, 1918 წლის ოქტომბრიდან 1919 წლის მარტამდე - საქართველოს პარლამენტი, 1919 წლის მარტიდან 1921 წლის თებერვლამდე - საქართველოს დამფუძნებელი კრება.
საქართველოს დამოუკიდებლობის აღდგენის შემდეგ საქართველოს უმაღლესი წარმომადგენლობითი ორგანო იყო საქართველოს რესპუბლიკის უზენაესი საბჭო, 1992 წლიდან მას საქართველოს პარლამენტი ჰქვია.
საკანონმდებლო ორგანო | თავმჯდომარე | მუშაობის წლები |
საქართველოს ეროვნული საბჭო | ჟორდანია, ნოე | 1918, მაისი - 1918, ოქტომბერი |
საქართველოს პარლამენტი | ჟორდანია, ნოე | 1918, ოქტომბერი - 1919, მარტი |
საქართველოს დამფუძნებელი კრება | ჩხეიძე, ნიკოლოზ | 1919, მარტი - 1921, თებერვალი |
საქართველოს რესპუბლიკის უზენაესი საბჭო | გამსახურდია, ზვიად | 1990, ნოემბერი - 1991, მაისი |
" - " | ასათიანი, აკაკი | 1991, ივნისი - 1992, იანვარი |
საქართველოს პარლამენტი | შევარდნაძე, ედუარდ | 1992, ნოემბერი - 1995, ნოემბერი |
" - " | ჟვანია, ზურაბ | 1995, ნოემბერი - 2001, ნოემბერი |
" - " | ბურჯანაძე, ნინო | 2001, ნოემბერი - 2003, ნოემბერი |
" - " | წერეთელი, გიორგი (გიგი)* | 2003, ნოემბერი - 2004, მარტი |
" - " | ბურჯანაძე, ნინო | 2004, აპრილი - დღემდე |
* - მოვალეობის შემსრულებელი