კრონშნეპი
ვიკიპედიიდან
კრონშნეპი (Numenius), ფრინველების გვარი მეჭვავიასნაირთა რიგისა. ტანად საშუალო და დიდი ფრინველებია. აქვთ ქვემოთკენ მოხრილი გრძელი ნისკარტი და მაღალი ფეხები. ბინადრობენ ჭაობებში. ბუდეს იკეთებენ მიწაზე. დებენ 4 კვერცხს. იკვებებიან ჭიებით, ნაირგვარი მწერებითა და მათი მატლებით, რბილტანიანებით და სხვა უხერხემლოებით, ზოგჯერ თავკომბალებითაც. გვარში 7 სახეობაა, ამათგან საქართველოს ფარგლებში გვხვდება 3 სახეობა მხოლოდ მიმოფრენისას: დიდი კრონშნეპი (Numenius arquata), საშუალო კრონშნეპი (Numenius phaeopus) და მცირე კრონშნეპი (Numenius tenuirostris). კრონშნეპი სპორტული ნადირობის ობიექტია.