იორკთაუნი, ვირჯინია
ვიკიპედიიდან
იორკთაუნი მდებარეობს იორკის ოლქში, ვირჯინია. 2000 წლის აღწერის მიხედვით აქ ცხოვრობს 203 ადამიანი. იორკთაუნი, იორკის ოლქის ადმინისტრაციული ცენტრია.
ამ ქალაქთან, 1781 წელს გენერალი ჩარლზ კორნუოლისი დანებდა გენერალ ჯორჯ ვაშინგტონს და ამით დამთავრდა ამერიკის რევოლუცია. 1861–1865 წლებში, ამერიკის სამოქალაქო ომის დროს ეს ქალაქი ასევე მნიშვნელოვანი პოზიცია იყო, აქ მდებარე პორტიდან მარაგდებოდა ომის მონაწილე ორივე მხარე, იმის და მიხედვით თუ ვისი კონტროლის ქვეშ იყო ქალაქი.
იორკთაუნი, ჯეიმსთაუნთან და უილიამსბურგთან ერთად შედის ე.წ. ისტორიულ სამკუთხედში.
[რედაქტირება] გეოგრაფია
აშშ სტატისტიკის დეპარტამენტის ცნობით იორკთაუნის ფართობი არის 1.7 კმ² (0.6 მილ²), ფართობის 100% არის ხმელეთი.
[რედაქტირება] დემოგრაფია
2000 წლის აღწერის მიხედვით, იორკთაუნში ცხოვრობს 203 ადამიანი, 117 კომლი და 45 ოჯახი. მოსახლეობის 99.995% არის თეთრკანიანი, 0.00% აფრო–ამრიკელი, აზიელი, ადგილობრივი ამერიკელი (ე.წ. ინდიელები), ლათინო ამერიელები და 0.004% სხვა რასის წარმომადგენელი.
[რედაქტირება] ისტორია
გეოგრაფიულად იორკთაუნი მნიშვნელოვანი სტრატეგიული ადგილია, იქიდან შეიძება ვირჯინიის მდინარეების კონტროლი და არის გასასვლელი ჩესაპიკის სანაპიროზე.
იორკთაუნი დაარსდა 1691 წელს, მისი პორტიდან ევროპაში გადიოდა თამბაქო.
ამერიკის რევოლუციის დროს, გადამწყვეტი ბრძოლა მოხდა სწორედ ამ დაბასთან. აქ გამაგრებული იყო გენერალი ჩარლზ კორნუოლისი. იმ პერიოდიდან დღემდე შემორჩენილია 9 შენობა. ხოლო ფრანგი მებრძოლების პატივსაცემად დგას მემორიალი.
1862 წელს, ნახევარკუნძულის კამპანიის დროს, იორკთაუნი იყო გენერალი ჯორჯ მაკკლელანის ბაზა.
ამჟამად იორკთაუნში განლაგებულია ორი სამხედრო ობიექტი.
- იორკთაუნის საზღვაო სადგური.
- იორკთაუნის სანაპირო დაცვის სადგური. აქ ამზადებენ სანაპირო დაცვის რეზერვისტ ოფიცრებს.
იორკთაუნის ახლოს მდებარეობს ნორფოლკის საზღვაო ბაზა და ნიუპორტ ნიუსის გემთმშენებელი ქარხანა.
