ბანჯო
ვიკიპედიიდან
ბანჯო (ინგლ. banjo), გიტარის მსგავსი სიმებიანი საბწკენი საკრავი. რგოლისებრ ტანზე გადაკრული აქვს ტყავის მემბრანა. საკრავი 4-9 სიმიანია, პლექტრის მეშვეობით ჟღერს მძაფრად, მკვეთრად და ადვილად ეხშობა ხმა. თანამედროვე ბანჯო შექმნილია დაახლოებით 1830 წელს ამერიკაში აფრიკელ შავკანიანთა საკრავის - ბანჯას რეკონსტრიქციის შედეგად (ბანჯო აშშ-ში შემოვიდა XVII საუკუნეში დასავლეთ აფრიკიდან). მას აქვს 8 სიმი. ყელზე აღნიშნულია კილოები.