Wikipedia:Velkomnir nýherjar
Úr Wikipediu, frjálsa alfræðiritinu
Wikipedia er alfræðiorðabók sem skrifuð er sameiginlega af lesendum sínum. Síðan er svokölluð Wiki sem þýðir það að hver sem er, þar á meðal þú, getur breytt hvaða grein sem er með því einu að smella á breyta möguleikann sem er fyrir ofan allar greinar á Wikipedia.
[breyta] Skoðaðu Wikipedia
Wikipedia er ætlað að ná yfir öll svið mannlegs fróðleiks. Efnisyfirlit er að finna á forsíðunni en einnig má nálgast upplýsingar með hjálp leitarinnar. Leitina er ávallt hægt að finna vinstra megin á síðunni.
Ef þú rekst svo á eitthvað virkilega skemmtilegt á flakki þínu um Wikipedia þá er ekki vitlaust að skilja eftir skilaboð á spjallsíðunni sem fylgir viðkomandi grein, það er gert einfaldlega með því að smella á spjall möguleikann sem birtist einnig fyrir ofan allar greinarnar Wikipedia. Þegar þú kemur á spjallsíðuna getur þú svo annaðhvort valið breyta eða notað + merkið sem er hægra megin við það og er einföld leið til þess að bæta við athugasemdum. Allir hafa gaman af því að fá jákvæð viðbrögð.
[breyta] Breyttu Wikipedia
Það geta allir breytt innihaldi Wikipedia, jafnvel þessari síðu sem þú ert að lesa núna! Það eina sem þarf er að smella á breyta sem er að finna á öllum síðum (nema vernduðum) og þér eru allir vegir færir. Þú þarft engin sérstök leyfi til þess, þú þarft ekki einu sinni að vera skráð/ur inn. Ef þú vilt prófa þig áfram til þess að læra á umhverfið þá er alveg tilvalið að nota sandkassann til að gera tilraunir. Handbókin er einnig nauðsynlegur lestur fyrir alla byrjendur á Wikipedia.
Það getur vissulega verið erfitt að ákveða hvar skal byrja á breytingunum. Þá er sniðugt að skoða innihald Wikipedia eins og hvert annað alfræðirit en hafa augun opin fyrir stafsetningar- og málfarsvillum, illa orðuðum setningum og staðreyndavillum. Þegar eitthvað slíkt finnst þá skaltu ekki hika við það að smella á breyta og laga svo villuna. Ef þú sérð einhverja leið til þess að bæta greinina sem þú ert að lesa á einhvern hátt þá skaltu ekki hugsa þig tvisvar um heldur gera það sem gera þarf. Það er óþarfi að óttast það að þú gerir mistök, í slíkum tilfellum getur þú eða hver sem er tekið mistökin aftur á jafn auðveldan hátt og þau urðu til. Þegar þú svo treystir þér til, getur þú búið til nýja grein eða bætt við efni eldri greina.
Á Wikipedia fylgjum við örfáum einföldum reglum sem allir ættu að kynna sér. Sú mikilvægasta er hlutleysisreglan sem kveður á um það að greinar á Wikipedia eigi að líta á viðfangsefni frá hlutlausu sjónarhorni og reyna að gera öllum sjónarmiðum skil á sanngjarnan og umburðarlyndan hátt. Einnig er það mjög æskilegt að þú gerir grein fyrir öllum þínum breytingum með því að rita litla lýsingu á því hvað þú ert að gera í litla gluggann sem er merktur Breytingar: og er beint undir aðal textaglugganum þegar verið er að breyta síðu. Ef að breytingar þínar eru fjarlægðar eða þeim breytt af öðrum notendum getur þú reynt að leita skýringa í breytingasögu greinarinnar eða á spjallsíðu hennar eða á þinni persónulegu spjallsíðu þar sem aðrir notendur hafa möguleika á að skilja eftir skilaboð til þín. Öll framlög til Wikipedia falla undir Frjálsa GNU handbókarleyfið sem tryggir það að innihald alfræðisafnsins verði ávallt frjálst.
[breyta] Vertu með
Eins og fyrr segir þá geta allir breytt innihaldi Wikipedia en það hefur þó nokkra kosti að búa til notanda ef þú hyggst stunda Wikipedia reglulega í framtíðinni.
