Spurnarfornafn
Úr Wikipediu, frjálsa alfræðiritinu
Spurnarfornöfn í íslensku eru hver (hvert), hvor (hvort), hvaða, hvílíkur. Hvað var upphaflega sérstakt fornafn en hefur runnið saman við hver og er nú aðeins notað sérstætt.
Hver er notað um einn af fleiri en tveimur (t.d. hver stelpnanna fór út?) og beygist þannig:
| kk. | kvk. | hk. | |
| nf. et. | hver | hver | hvert, hvað |
| þf. et. | hvern | hverja | hvert, hvað |
| þgf. et. | hverjum | hverri | hverju |
| ef. et. | hvers | hverrar | hvers |
| nf. ft. | hverjir | hverjar | hver |
| þf. ft. | hverja | hverjar | hvern |
| þgf. ft. | hverjum | hverjum | hverjum |
| ef. ft. | hverra | hverra | hverra |
Hvor beygist eins og eignarfornafnið vor en hvaða hefur sömu mynd í öllum kynjum og föllum og báðum tölum. Það notað um annan af tveimur; t.d. hvor strákanna skrópaði? Hvílíkur beygist eins og sterkt lýsingarorð (ríkur). Það er oftast notað í upphrópunum; t.d. hvílík vitleysa!
Hver og hvor geta einnig verið óákveðin fornöfn en þá má setja sérhver í stað hver og hvor um sig fyrir hvor; t.d. hver (sérhver) er sjálfum sér næstur, hann gaf hvorum drengjanna (hvorum um sig) snoppung.
[breyta] Heimildir
- Þórunn Blöndal. Almenn málfræði. Mál og menning, 1985.
