Loðna
Úr Wikipediu, frjálsa alfræðiritinu
Loðna | |||||||||||||||
---|---|---|---|---|---|---|---|---|---|---|---|---|---|---|---|
![]() |
|||||||||||||||
Vísindaleg flokkun | |||||||||||||||
|
|||||||||||||||
|
|||||||||||||||
Mallotus villosus Müller, 1776 |
|||||||||||||||
|
Loðna (fræðiheiti: Mallotus villosus) er smávaxinn fiskur sem heldur sig í torfum upp í sjó. Loðnan er algeng í köldum og kaldtempruðum sjó á norðurhveli jarðar. Stærstu loðnustofnar þar eru í Barentshafi og á Íslandsmiðum. Á sumrin er loðnan við íshafsröndina þar sem hún étur jurtasvif. Stórar loðnur éta ljósátu og önnur smákrabbadýr. Afræningjar loðnu eru m.a. hvalir, selir, þorskar. Loðnan hrygnir á sandbotni og við sandstrendur 2-6 ára og flestar loðnur drepast að lokinni hrygningu.
Hrygnur ná 20 sm lengd og hængar eru allt að 25 sm langir. Þegar mikið er af síld í Barentshafinu virðist það hafa áhrif á loðnu, sennilega bæði vegna samkeppni um æti og vegna þess að síldin étur loðnuhrogn.
[breyta] Loðna og vistkerfi sjávar
Loðnan er mikilvægur hlekkur í vistkerfi sjávar við Ísland. Loðna er aðalfæða þorsks og flestallir fiskar sem éta aðra fiska lifa á loðnu einhvern hluta ævi sinnar. Loðnan lifir á svifdýrum og er 3. þrepi fæðupíramýdans. Í gegnum loðnu flyst orka úr norðurhöfum inn í vistkerfi sjávar við Ísland. Fullorðin loðna sækir í æti norður í Íshaf að sumarlagi. Á haustin gengur loðnan svo aftur í átt til Íslands. Frá október og fram að hrygningu loðnu í mars er loðna mikilvæg fæða ýmissa nytjafiska.
[breyta] Loðnuveiðar
Loðna er brædd og notuð í fiskifóður og lýsisframleiðslu en er einnig notuð til manneldis. Loðnuhrogn er eftirsótt matvara í Japan.
[breyta] Heimildir
- Greinin „Capelin“ á ensku útgáfu Wikipedia. Sótt 30. júlí 2006.
- „Lífríki sjávar - Loðna (bæklingur frá Hafrannsóknarstofnun)“. Sótt 30. júlí 2006.