Kaupfélag Eyfirðinga
Úr Wikipediu, frjálsa alfræðiritinu
Gerð: | Samvinnufélag |
---|---|
Slagorð: | n/a |
Stofndagur: | 19. júní 1886 |
Staðsetning: | Glerárgötu 36, 600 Akureyri |
Lykilmenn: | Hannes Karlsson formaður stjórnar, Björn Friðþjófsson varaformaður, Jónhannes Ævar Jónsson ritari |
Starfsemi: | Fjárfestingar félagsmanna |
Vefslóð: | http://www.kea.is |
Kaupfélag Eyfirðinga er íslenskt fyrirtæki sem stofnað var 1886 sem kaupfélag.
Efnisyfirlit |
[breyta] Saga Kaupfélags Eyfirðinga
Kaupfélag Eyfirðinga var stofnað þann 19. júní 1886 á Grund í Eyjafirði. Kom þar saman hópur manna og stofnaði Pöntunarfélag Eyjafjarðar, en hálfu ári síðar var nafninu breytt í Kaupfélag Eyfirðinga. Upphaflegur tilgangur félagsins var að útvega félagsmönnum góðar vörur á hagstæðu verði.
[breyta] Um KEA
Kaupfélagið kallast KEA í daglegu tali, sem er skammstöfun á „Kaupfélag Eyfirðinga, Akureyri“ eða „Kaupfélag Eyfirðinga og Akureyrar“. KEA hefur breyst frá því að vera hefðbundið kaupfélag, yfir í að vera fjárfestingarfélag. Það er þó ennþá samvinnufélag og gengur undir nafninu Kaupfélag Eyfirðinga svf., en er enn kallað KEA.
KEA er í dag fjárfestingarfélag sem vinnur í þágu eigenda sinna að eflingu atvinnulífs og búsetuskilyrða á starfssvæði sínu.
[breyta] Umsvif KEA
Kaupfélag Eyfirðinga tók þátt í að stofna ESSO á Íslandi, Olíufélagið hf. árið 1946. Upphaflegt hlutafé Olíufélagsins hf. var 850 000 kr en KEA lagði til 195 000 kr því og var næst stærsti stofnhluthafi á eftir SÍS.