Frægð

Úr Wikipediu, frjálsa alfræðiritinu

Frægð er hugtak, sem haft er um það þegar töluverður fjöldi fólks þekkir til ákveðins hugtaks, persónu eða hlutar. Frægð segir ekki til um hversu vel hver og einn einstaklingur þekki það fræga. Af frægð kemur lýsingarorðið frægur (frægt í hvorugkyni, fræg í kvenkyni) og er það notað til að tilgreina það sem nýtur frægðarinnar.

Ýmis afbrigði eru til af þessu orði sem flest miða að því að lýsa nánar stærð frægðarinnar eða útbreiðslu hennar. Til dæmis orðið "heimsfrægð" en þá er vísað til þess að frægðin sé um allan heim (að töluverður fjöldi fólks um allan heim þekki til þess sem frægt er) þótt ekki sé gefið til kynna hversu sterk frægðin sé, það er oftast gert með atviksorðum á borð við "mjög", einnig áhersluforskeytum eins og víð- og stór-.