Drammen

Úr Wikipediu, frjálsa alfræðiritinu

Kort sem sýnir sveitarfélagið innan Buskerud

Drammen er borg í Buskerud-fylki í Noregi. Íbúafjöldi var 116.641 árið 2006 en 57.759 bjuggu innan marka sveitarfélagsins. Í gegnum borgina rennur Drammenselva sem hefur verið lífæð hennar í gegnum tíðina.

Drammen er vinabær Stykkishólms.

[breyta] Saga

Hellaristur í Drammen eru taldar vera 6-7.000 ára gamlar. Þá var sjávarstaða hærri en hún er í dag, svo mannvistarleyfar voru nokkuð hátt í ásunum kringum borgina. Stærsta hellaristan sýnir elg og líffæri hans nokkuð vel.

Í raun byggðist Drammen þrjú aðskilin þorp; Bragernes, Strømsø og Tangen. Þessi þrjú sameiðustu þó árið 1811 sem Drammen eins og hún er í dag.

Þegar skógarhögg var sem mest í Buskerud rak timbrið niður Drammenselva niður að Drammensfirði, þar sem það var unnið, sagað og flutt til kaupandans. Í kringum Drammen var því mikil iðnaður í kringum sagirnar og pappírsframleiðslu.

Allt fram á 9. áratug síðustu aldar fór allt skolp óhreinsað í Drammenselva en nú hefur verið gerð breyting á, og er áin að breytast út skolp-æð með 300 m³/s í eina bestu laxveiðiá landsins.

[breyta] Náttúra

Mynd eftir listmálarann Nicolain Arbo af skrúðgarðinum við hefðarsetrið Gulskogen

Drammen liggur í dal milli tveggja ása og rennur Drammenselva í botni hans. Norðan við dalinn er Bragernesåsen og sunnan hans er Konnerudåsen. Í báðum ásum eru skíðasvæði sem eru opin frá desember fram í apríl.

Í Drammen er auðvelt að komast út í skóg og liggja þar stígar um allar trissur. Þessir stígar nýtast vel hvort sem er sumar eða vetur, enda eru troðnar skíðaleiðir um báða ásanna.

[breyta] Stjórnmál

Borgarstjóri Drammen er Tore Opdal Hansen og situr hann fyrir Hægrimenn.

[breyta] Heimild

• Knudsen, Tor Adler og Sellæg, Jo.. Drammen - Kort og godt. Brakar lokalhistoriks forlag, 1992. 82-91263-00-0