Blóð-heila-hömlur

Úr Wikipediu, frjálsa alfræðiritinu

Heilinn er viðkvæmt og mikilvægt líffæri. Því hefur hann þróast þannig að hann hleypi ekki hvaða efnum sem er að sér því þau gætu mögulega skemmt hann eða haft aðrar óæskilegar afleiðingar. Blóð-heila-hömlurnar, einnig kallaðar heilatálmi eða blóð-heilaskilja, sjá um að hleypa aðeins tilteknum efnum úr blóðinu yfir í heilavefinn og halda öðrum efnum úti. Þetta geta til að mynda verið ýmis eiturefni, en einnig koma þær í veg fyrir að hormón sem eiga að virka á líkamann virki líka á heilann. Blóð-heila-hömlurnar geta verið til trafala þegar gefa á sum lyf, þar sem heilinn hleypir ekki lyfjunum að sér.