Ta-Yuan
From Wikipedia
La Ta-Yuan (大宛, pinyin: dàwǎn, Dayuan o Dawan, lit. “Granda Yuan”) esis populo di Ferghana en Centrala Azia, qui aparas en la Chiniana kronikli Shiji ed en la Chiniana Olima Han Dinastio historio Han Shu, pos la voyaji di Zhang Qian ye 130 aK e la numbroza ambasadi qui sequis lu pose.
Segun ta kronikli, la Ta-Yuan esis urbana habitanti kun Indo-Europana aspekti, qui habitis en muragita urbi e kun "kustumi la sama kam ol di la Greko-Baktriani", rejio qua regnis Baktria en la nuna Afganistan. La Ta-Yuan esis fabrikisti ed amis vino.
La Ta-Yuan probable esis la decendanti di la Greka kolonii establita da Alexander la Granda en Ferghana ye 329 aK, e prosperis en la Helena areo di la Seleucidi e Greko-Baktriani, til li izolesis da la ekmigri di la Yueh-Chih cirkum 160 aK. Ol anke esas posibla ke la nomo "Yuan" simple esas transliterigo di la vorti "Yona" o "Yavana" uzata en anciena Azia por referar pri Grekiana ("Ioniani"), do la vorto Ta-Yuan (lit. Granda Yuan) signifikus "Granda Ioniani".
On skribas la vorto Ta-Yuan 大宛 en Chiniana literi.
