Puntizo

From Wikipedia

La puntizo di texti esas igita per signi qui ne esas literi. On povas transformar parolita vorti aden texti per literi, ma texti konsistas anke signi qui helpas konektar skribita vorti e lua pensi e senci juste.

Puntizo-signi e lua signifiki o funcioni esas konvencionita. Hike esas kurta rezumo di la reguli pri la puntizado en Ido.

. Punto uzesas por separar la frazi.

, Komo uzesas por separar la propozicioni.

; Komopunto (o puntokomo) uzesas por separar frazi gramatikale nedependanta, ma ligita per la senco.

: Bipunto uzesas por anuncar expliko o citajo.

! Klamo-punto pozesas pos frazo klamanta.

? Question-punto pozesas pos propoziciono direte questionanta, ma ne pos propoziciono subordinita.

“ ” Cito-hoketi uzesas por inkluzar omna citajo.

( ) Parentezi inkluzas frazo o vorto separenda de la cetera texto.

[ ] Kramponi havas analoga roli kam parentesi.

{ } Embracili havas analoga roli kam kramponi.

Parentezi, kramponi ed embracili uzesas hierarkiale ( [ { } ] ) segun bezono.

{ Un embracio juntas plura linei (dextre) ad una (sinistre).

- Streketo unionas la parti di vorto kompozita; ol indikas anke la seko di vorto inter du linei.

– Streko indikas chanjo di parolanto. Ol devas sempre uzesar en dialogi. On ne darfas uzar ol vice la parentezi, o vice la puntaro.

… Puntaro indikas interrupto di la penso.

Alineo indikas chanjo di temo o nova ordino di pensi.

Noto, quo esas infre di la pagino, devas referesar per numero (referilo) (ne per steleto, kruceto, etc.).