Fernando Martín
From Wikipedia
Fernando Martín esis Hispana grava korbobalonisto qua naskis en Madrid, ye 26ma di marto 1962 e mortis anke en Madrid ye 3ma di Decembro 1989. Il memoresos kom l'unesma hispana e duesma europana ludisto qua atingis l'usana profesionala konkurso pri korbobalono, NBA.
Fernando komencis sua kariero kom ludisto en Madridana equipo “Estudiantes” ye 1978. Pos tri ecelanta yari, il kontratesis da Real Madrid, ube il sucesis ludar sua maxim bona ludi. Fernando Martín esis en la Real Madrid de 1981 til 1986, ed itayare selektesis da Portland Trail Blazers por partoprenar en la NBA. Regretinde por il, Fernando ne havis chanco ed sufris plura lezuri qui impedis a lu ludar kontinue. Pos ica experienco, il retrovenis ye 1987 a Madrid por ludar til la dato di sua morto, kande Fernando sufris acidento voyajante ad la paviliono ube devabas partoprenar en ludo.
Kom ludisto, Fernando Martín obtenis quar trofei pri championo dil Hispana konkurenko, tri kupi dil rejo, du europana ri-kupo pri klubi, un Korak-Kupo, la arjentala medalio en l'olimpiala ludi ye 1984 e la arjentala medalio en l'europana konkurenco pri nacionala equipi ye 1983.
