Aleksis Kivi

From Wikipedia

Aleksis Kivi esas nacional autoro di Fini. Il naskis 10 di oktobro 1834 e mortis 31 di decembro 1872.

Ilua orginala familio esis Sueda-linguala Stenvall (‘stono-muro’), ma il igis ol Fina-linguala Kivi (‘stono’). Lua patro esis shuo-igisto Erik Johan Stenvall en Nurmijärvi (en gubernio Häme).

Aleksis Kivi skriptis dramati e poemi. Multa verki esas tradukita. Anke cinemi esas facita de dramati e de la sola romano. Kivi esis unesma Fino, quo obtenis populareso per sua literala verki, do nun il esis valorita kom patro di la Fina-linguala literaturo. Pluse la prima spektaklo di lua dramato Lea ye 10 di mayo 1869 esis la nasko-dio di la Fina-linguala teatro.

Aleksis studiis en Helsinki 1847–1856, unesme en universitato, pose sole. Il ganis nemulta premii en 1850a e 1860a yari, por exemplo statala premio en literaturo ye 1865. Un ek kandidati por premio esis anke Johan Ludvig Runeberg, quo esis tatempe nacional autoro di Finlando (il skribis en Sueda).

Pos la studio en universitato Kivi translojis en Siuntio. Il trovis 20 yari plu olda matrono Charlotta Lönqvist, quo komprenis, quala genio Kivi esis. Charlotta donis a Kivi protekteyo e senpagala lojeyo. Regretinde Kivi sufris pro alkoholo dum 1870a yari e falis en psikiatriala hospitalo. La tombo di Kivi esas en Tuusula, apud Helsinki.

Nun 10 di oktobro esas dio di Aleksis Kivi e dio di Finlandana literaturo.

La verki di Aleksis Kivi:

• dramati

• Bröllopsdansen (Mariajo-danso, en Sueda)
• Kullervo (1864)
• Nummisuutarit (Shuo-igisti de erikeyo) (1864)
• Kihlaus (1866) (Fianco)
• Olviretki Schleusingenissä (1866) (Birala turo en Schleusingen)
• Karkurit (1867) (Fuganti)
• Yö ja päivä (1867) (Nokto e dio)
• Lea (1869)
• Margareta (1871)

• poemo

• Kanervala (1866)

• romano

• Seitsemän veljestä (1870) (Sep fratuli)