Ti Panagganas ni Santa Teresa
From Wikipedia
Ti Ti Panagganas ni Santa Teresa ket maysa a marmol nga obramaestra a kitikit ni Gian Lorenzo Bernini, a paset ti kompleto a disenio ken arkiteturana iti Kapilia ti Cornaro ti Santa Maria della Vittoria iti Roma a nalpas idi 1652.
Ni Teresa ti Avila (1515-1582) ket maysa a mistikal a madre a Carmelite ken kaunaan a Carmelite a santa. Naibasar ti kitikit ni Bernini iti maysa a pagteng iti autobiografia ni Teresa ti Avila maipapan iti nasantuan a sirmatana a nakakitaanna iti maysa a naubing pay, nataer nga anghel nga agtaktakder iti abayna:
Nakitak iti imana ti maysa nga atiddog a balitok a pika, ket iti murdongna kasla addaan bassit nga apuy. Nagparang isuna a kasla mangitudtudok iti pika iti pusok, ken ubonenna dagiti mismo a lalaemko; idi uksotenna, kasla inuksotna met ida, ket nabatiak nga umap-apuy iti naindaklan nga ayat ti Dios. Nagkaro unay ti saemna, ket nagar-areng-engak; ngem unayen a nagsam-it daytoy a nakana nga ut-ot, a diak pay kayaten a mapukaw koma kaniak. Napnek unay ti kararua iti awan sabali ngem ti Dios. Saan a nainbagian ti saem, ngem ketdi ispiritual; nupay ti bagi ket addaan pannakairaman. Maysa a panangapros ti ayat a nakagangganas nga itan mapaspasamak iti nagbaetan ti kararua ken ti Dios, isu nga ikarkararagko iti Dios iti Kinaimbagna a siasinoman a mangibaga nga agul-ulbodak ket mapadasanna met koma. (Capitulo XXIX; Paset 17, Autobiografia ni Teresa)