Fide Bahá'í
De Wikipedia, le encyclopedia libere
Establite in 1844, le fide Bahá'í es le religion mundial le plus juvene. Bahá'í es un fide monotheista con circa 6 000 000 membros e ha provenite del Babismo. Le sede principal se trova in Haifa, Israel.
Le fundator, Bahá'u'lláh (1817-1892) es reguardate per le adherentes como le plus recente in le serie de 'Messageros de Deo' que include anque, per exemplo, Moses, Buddha, Christo e Mohammed. Bahá'u'lláh recognosce le fundatores del religiones que se ha dirigite al humanitate in le diverse epochas anterior.
Tabula de contento |
[modificar] Principios
Le thema central in le message de Bahá'u'lláh (Gloria de Deo) dice que le humanitate forma un singule racia e que le die ha arrivate pro unificar le humanitate in un singule communitate mundial. Ille dice: "Le terra non es que un singule pais, de que tote le humanos es le citatanos."
Principios central include le derectos equal pro homines e feminas e le condemnation del discrimination racial. Bahá'u'lláh e le gerentes de su hereditage, le Casa Universal de Justitia, es reguardate como infallibile.
[modificar] Objectivos
Le objectivos del fide Bahá'í es un revivification spiritual del humanitate, destruction del muros divisive inter le populos, le poner de un fundamento pro un societate global unificate.
[modificar] Lingua international
Un principio importante es le introduction de un lingua international elaborate per scientistas professional.
[modificar] Ligamines externe
- Le pagina official del Fide Bahá'í
- Un bibliotheca web del Sacre Scriptura, documentos, e articulos re le fide Bahá'í
[modificar] Interpretationes alternative
Etiam, il existe le Fide Bahá'í orthodoxe, qui defende le continuitate del guardianitate. Illo recognosce le Testamento de `Abdu'l-Bahá.
