Uniwersita Leiden
Z Wikipedije
Leidenska uniwersita je najstarša uniwersita w Nižozemskej. Wona załoži so w lěće pjatnaće stow pjeć a sydomdźesat. Za čas wosomdźesatlětneje wójny (1568–1648) přećiwo Španiskej su město woblěhowali. Třećeho oktobra pjatnaće stow štyri a sydomdźesat bu město wot tak mjenowanych "Geuzen" wuswobodźeny. Princ Wilhelm Oranski da Leidenčanam, jako myto za spjećowanje přećiwo Španičanam, uniwersitu. Hłowne twarjenje uniwersity leži na Rapenburgu, najrjeńšim kanalu Leidena. Twarjenje bě prěnjotnje klóšterska cyrkej. Pódla tutoho twarjenja leži Hortus Botanicus, botaniska zahroda. Ta zahroda eksistuje hižo štyri sta lět a ma rjanu rostlinarju, w kotrejž rědke rostliny kćěja.
