Carolina Eyckec

Z Wikipedije

Carolina Eyckec (* 26. decembra 1987 blisko Berlina) je Serbowka a jedna z mało wirtuozow na instrumenće Theremin.

Pjećlětna Carolina dósta wučbu na klawěrje, lěto pozdźišo tež na huslach. Wopyta Specialnu šulu za hudźbu w Berlinje a měješe wučbu na huslach w rjadowni Prof. Ulla Scholz. Pozdźišo wuměni hulse z wiolu (braču)a dósta swoje wukubłanje pola Prof. Ditte Leser. Jako bračerka je z l. 2002 čłon Němskeje smyčkoweje filharmonije (Deutsche Streicherphilharmonie).

W starobje 7 lět nawukny pola Lydije Kaviny, pranichty Leona Theremina, Thermin hrać.

Při wubědźowanju "Jugend komponiert" w l. 2005 doby prěnje městno z kompoziciju "Physikalische Formeln". 2006 doby Myto komponistow RBB z kompoziciju „Sciciani – Am wendischen Burgwall” za akordeon a smyčkowy orchester.

Carolina Eyckec hraje na Thereminje ze serije „Big Briar” wot Roberta Mooga.

Spisa prěnju šulu w němskej rěči „Die Kunst des Thereminspiels/Ein Lehrbuch zum Erlernen des Thereminspiels”.

Jako solistka na Thereminje je na wuznamnych hudźbnych festiwalach z hosćom, tak w Baselu, Davosu, Łódźi a Budapesće.

[wobdźěłać] Literatura

• Carolina Eyck, Die Kunst des Thereminspiels, deutsche Ausgabe mit Noten, Texten und Fotos, über 150 Übungen und Etüden, ca. 20 bearbeitete und neue Musikstücke, ISBN 3-933-757-07-X, EAN 4025 1187 0631, 2006, Nakładnistwo SERVI, Berlin
• (w jendźelskej rěči:)The Art of Playing the Theremin, ISBN 3-933-757-08-8, 2006, Nakładnistwo SERVI, Berlin

[wobdźěłać] Eksterne wotkazy

• Websydło wuměłče