Veruca Salt

Na Galipedia, a wikipedia en galego.

Veruca Salt
{{{caption}}}
Orixe	Chicago
País	Estados Unidos
Período	1993-actualidade
Xénero(s)	Rock alternativo
Selo(s) discográfico(s)	Minty Fresh, Outpost, Beyond Music, Sympathy For The Record Industry
Membros	Louise Post Stephen Fitzpatrickz Kellii Scott Nicole Fiorentino
Antigos membros	Nina Gordon Suzanne Sokol Jimmy Madla Gina Crosley Jim Shapiro Stacy Jones Steve Lack Mareea Patterson Michael Miley Eva Gardner Toby Lang
Web oficial	http://www.verucasalt.com/

Veruca Salt é un grupo de rock que surxíu en 1992 liderado por Louise Post e Nina Gordon, as dúas principais compositoras da banda, completando a formación orixinal o baixista Steve Lack e o baterista Jim Shapiro. O son da banda segue unha liña bastante similar ao de Pixies e principalmente a Breeders, mesturado melodías bastante accesibles e de innegable sonoridade pop.

[editar] Biografía

Formado en 1992 por Louise Post eNina Gordon e despois de moitos ensaios e algúns concertos, a banda asinou coa discográfica independente Minty Fresh, de Chicago e gravou a súa primeira demo, que comezou a destacar na escena local. Ao longo de 1993 a banda saiu de xira e preparou as gravacións do seu primeiro disco, American Thigs, lanzado en xaneiro de 1994.

O disco converteuse nun dos favoritos da crítica e causou sensación no underground. Despois dalgúns concertos como teloneiros na xira de Hole, Veruca Salt chama a atención de varias grandes discográficas e acaba asinando coa Geffen, que relanza American Thighs. No verán de 1994, o sinxelo "Seether" convértese nun éxito nos Estados Unidos e a banda recibe o disco de ouro por 500.000 copias vendidas. Era o inicio dunha carreira bastante prometedora. Tamén foi blanco de críticas que os acusaban de oportunistas por usar a escena independente da época como camiño máis doado para o éxito comercial.

Talvez como unha resposta aos críticos, surxe en 1996 o EP Blow it out your ass, it's Veruca Salt, producido por Steve Albini. O disco contiña 4 temas barullentos e distorsionados, lanzado polo selo independente Minty Fresh. De seguido, a banda pasou a traballar no seu segundo álbum, e o resultado é o pulido Eight Arms to Hold You, de 1997. Cheo de belas melodías e poderosas guitarras, o disco soaba a un hard rock máis tradicional, talvez como efecto da producción de Bob Rock, que traballara anteriormente en discos de bandas como Motley Crue, Metallica e Guns n'Roses. Logo o baterista Jim Shapiro é substituído por Stace Jones. Eight Arms to hold you novamente alcanza o disco de ouro, a pesares de non ter ningún grande hit. Realmente, o desempeño do álbum nas listas decepcionou as perspectivas da discográfica e ata da propia banda, e pouco despois surxiron rumores de que Veruca Salt estaríase separando. Os motivos eran os desentendimentos entre as líderes, Louise Post e Nina Gordon.

A principios de 1998 os rumores confirmáronse e Nina Gordon anunciou a súa saída de Veruca Salt. Os seus proxectos despois de abandonar a banda incluían unha participación no álbum de James Iha (nese momento guitarrista de The Smashing Pumpkins) e a composición de cancións para un álbum en solitario, que acabou sendo lanzado en 2000.

Durante varios meses o futuro de Veruca Salt foi incerto, xa que perdera a unha das súas líderes-vocalistas-guitarristas. Pero en 1999, Louise Post anunciou que a banda continuaría. Post rompeu coa Geffen e lanzau o disco Resolver no 2000, através do selo independente Beyond. O disco non destacou tanto como os lanzamentos anteriores, pero Veruca Salt seguíu o seu camiño.

En 2001, Louise Post embarcou no proxecto paralelo de Courtney Love na banda Bastard. Elas ensaiaron algunhas cancións, mais depois dalgúns meses, Louise anunciou a súa saída do proxecto e viaxou para Los Angeles para compor material para o seguinte álbum de Veruca Salt.

No ano 2005 a banda editou un EP e presentou a súa nova formación. A banda estaba composta por Louise Post, Stephen Fitzpatrick, o baterista Kellii Scott e a baixista Nicole Fiorentino, e ese outono Veruca Salt completou unha xira polos Estados Unidos. O EP, editado poe eles mesmos titulábase Lords of Sound and Lesser Things e estaba composto por seis novas cancións. Este foi o preludio do seu último álbum ata o de agora, IV, editado en setembro do 2006.