Sudeste asiático
Na Galipedia, a wikipedia en galego.
- Este artigo debe ser combinado con sueste asiático
O sudeste asiático é unha subrexión de Asia que comprende gran variedade de países cunha certa unidade cultural e histórica, está ubicada entre os paralelos 90 e 130 aproximadamente e entre os meridianos 30 e 17.
Forman parte da rexión os seguintes países:
Brunei
Camboxa
Filipinas
Indonesia
Laos
Malasia
Myanmar
Singapur
Tailandia
Timor Leste
Vietnam
O principal feito histórico que determinou a vida da rexión foi indudablemente que se atopa situada entre os dous xigantes asiáticos: China e India. Deles houberon influenzas do tipo cultural, lingüístico, relixioso e político que aínda subsisten. A rexión é tamén zona de encontro de dous grupos humanos que se mesturaron pacíficamente co pasar do tempo: o tipo malasio que vén do sur e das illas, co tipo asiático do leste que vén do norte.
Cara ao século I toda a rexión recibiu unha forte inmigración dos pobos da India, especialmente do norte e da casta dos bramáns. Tales pobos trouxeron consigo o hinduismo e moldearon as linguas primitivas cun gran aporte do sánscrito. O hinduismo perduró na rexión ata o século XV cando na península Indochina introduciuse o budismo de Theravada desde Sri Lanca e nas illas comezou a invasión do Islam. Os séculos XVII e XVIII viron tamén o advenimiento do colonialismo. O único país que o puido evitar, grazas ás políticas de modernización do seu monarca, foi Tailandia (antiga Siam).
Da herdanza hinduista é testemuña a illa de Bali, que formando parte do meirande país musulmán do mundo (Indonesia), a relixión maioritaria é aínda o hinduísmo.
En total, a superficie do Sureste Asiático ascende a uns 4.000.000 qm². No ano 2004 máis de 593 millóns de persoas habitaban na rexión, a sexta parte (114 millóns) na illa de Xava (Indonesia), unha das illas máis poboadas do mundo.