Sergei Mikhailovich Prokudin-Gorskii
Na Galipedia, a wikipedia en galego.
Sergei Mikhailovich Prokudin-Gorskii (31 de agosto, 1863, Murom – 27 de setembro, 1944, París) foi un fotógrafo ruso.
Estudou química con grandes especialistas en San Petersburgo, Berlín e París e desenvolveu unha técnica propia para tirar fotografías en cor. O seu proceso empregaba unha cámara que tiraba unha serie de fotos monocromáticas nunha secuencia moi rápida, cada unha a través dun filtro de cor diferente. Ó proxectar as tres fotos monocromáticas coa luz da cor axeitada era posible reconstruí-la escena coas cores orixinais. Non obstante, non dispuña de mecanismo para realizar impresións das fotos que obtiña. Cara 1905 Prokudin-Gorskii concebiu o proxecto de documentar co seu método a historia, cultura e modernización do Imperio ruso para que fora utilizado nas escolas do Imperio e que contou co total apoio do tzar Nicolao II que puxo á súa disposición un tren equipado cunha cámara escura e o acceso a áreas restrinxidas.
