Loreena McKennitt
Na Galipedia, a wikipedia en galego.
Loreena McKennitt, (nacida en Morden, Manitoba o 17 de febreiro de 1957) é unha cantante e intérprete de piano e harpa canadense, con ascendencia escocesa e irlandesa. Actualmente reside en Ontario.
Os seus oito discos conságrana como unha grande intérprete no universo da música celta. Os seus discos Elemental e To Drive the cold winter away marcaron un antes e un despois na súa carreira musical. Antes destes discos Loreena traballaba na compañía teatral estábel do Shakespearean festival, onde tivo tempo de se inspirar no poeta William Butler Yeats, así como na música de The Bothy band e Alan Stivell.
No seu primeiro disco deu a coñecer a súa marabillosa voz con cancions como "Banks of Claudy" ou "Stolen Child", mentres que no segundo deixa claro o seu desexo de mesturar a cultura celta con outras procedentes doutros lugares. Loreena non deixou de percorrer mundo cambiando a súa música a medida que encontraba novas culturas: en 1991 visitou Venecia, Hungría, Ucraína, España e outras partes de Asia para poder realizar o disco "The Visit". Segundo ela, a música é un medio de comunicación entre as distintas culturas e, para deixalo aínda máis claro, gravou o disco "The Mask and Mirror" no cal España ten un papel importante. Despois daquel disco Loreena gravou "The Book of Secrets" e "Live in Paris and Toronto".
Índice |
[editar] Discografía
Editou 8 albums (7 albums en estudio e 1 en directo chamado Live in Paris and Toronto; 13 millóns de exemplares foron vendidos por todo o mundo) :
- 1985 : Elemental
- 1987 : To drive the cold winter away
- 1989 : Parallel dreams
- 1991 : The visit
- 1994 : The mask and the mirror
- 1995 : A winter garden : five songs for the season
- 1997 : The book of secrets
- 1999 : Live in Paris and Toronto
[editar] Bandas sonoras
- 1985 : Bayo
- 1986 : Heaven on Earth
- 1987 : To a safer place (documental)
- 1989 : Goddess Remember (documental)
- 1995 : Highlander III (canción Bonny Portmore)
[editar] Premios e outros méritos
- 1992 : Premio Juno ao mellor álbum de música tradicional por The Visit
- 1994 : Premio Juno ao mellor álbum de música tradicional por The Mask and the Mirror
- 1997 : Premio Billboard International Achievement Award
- 2002 : Doutor honoris causa en letras da Universidade Wilfrid Laurier
- 2003 : Orde de Manitoba
- 2004 : Orde do Canadá
[editar] Complementos
Loreena McKennitt é moi activa nas seguintes asociacións :
- Creación da Fundación para a memoria de Cook-Rees, (salvamento e seguridade náutica)
- Participación financeira nos Fondos de Socorro da Sociedade da Medialúa Vermella Turca e da Cruz Vermella Grega
- Creación en 2002 do Centro Falstaff Family en Statford
