Escornabois
Na Galipedia, a wikipedia en galego.
A vacaloura ou escornabois (Lucanus cervus) é un escaravello (de familia Lucanidae) de gran tamaño no que é fácilmente distinguible os sexos: o macho dispón dunhas mandíbulas de gran tamaño, moito maiores que as das femias, que lles serven como medio de loita con machos rivais.
A larva deste insecto pasa de un a cinco anos alimentándose de madeira en descomposición, preferiblemente de frondosas, polo que adoita vivir en bosques onde son abundantes carballos, e razón tamén de que non sexa común en terreos urbáns. As larvas desta especie teñen un apetito moi voraz: de tan só un gramo de peso, poden comer nun só día 22,5 centímetros cúbicos de madeira. As larvas alcanzan un tamaño cosiderábel, chegando incluso a 10 centímetros de longo.
Os adultos aliméntanse da savia das árbores e de xugo de froitas maduras. A vida trala metamorfose é moito máis curta ca da larva: tan só de quince días a un mes. Poden voar, alcanzando velocidades de 6 km/h.
Existen diversas teorías sobre cómo se aparean, aínda que a máis probable é que os machos se agrupen en torno ás femias e as disputen en combates que poden chegar á morte dun dos contrincantes.
As femias poñen os ovos en fendas nas árbores, os cales eclosionan sobre dous ou catro semanas tras ser postos.
Este insecto é considerado o maior escaravello de Europa. O tamaño oscila entre 30 e 90 milímetros no caso dos machos e 28 e 45 milímetros nas femias.
Esta especie está en regrusión debido á perda do seu hábitat e á caza, pois é un exemplar moi apreciado, polo que se chegan a pagar precios superiores ós 5.000 dólares (sobre todo no Xapón, onde se chegan a pagar precios de 26.000 dólares).
