Byte

Na Galipedia, a wikipedia en galego.

Un byte (pronunciado "bait") ou octeto é un dos tipos de datos usados en computación para especificar o tamaño ou cantidade da memoria ou da capacidade de almacenamento dun computador. Normalmente corresponde con 8 bits (véxanse detalles mais embaixo).

[editar] Significados

A palabra byte ten varios significados, todos próximos entre si:

• Unha secuencia contigua dun número fixo de bits. Nos computadores modernos, un byte consta de 8 bits, ou octeto. Alguns modelos máis antigos usaron bytes de 6, 7 ou 9 bits.

Un byte é sempre atómico no sistema, o que significa que é a máis pequena unidade de memoria enderezable (á que se pode acceder directamente). Un byte de 8 bits pode conter 256 valores posibles (2⁸ = 256) — o suficiente para armacenar ben un enteiro sen sinal entre 0 e 255, ben un enteiro con sinal entre -128 e 127 ou ben un carácter de 7 bits (tal como a ASCII) ou 8 bits.

• Unha secuencia contigua de bits que constitúe un sub-campo dunha secuencia máis longa chamada word.
• Un tipo de dados en certas linguaxes de programación. O C, por exemplo, define o byte como sinónimo de unsigned char — un tipo de dados enteiro capaz de armacenar polo menos 256 valores diferentes.

[editar] Outras designacións

O byte de 8 bits tamén se chama octeto, nomeadamente no contexto de redes de computadores e telecomunicacións, reflexando a cantidade de bits que ten.

Á metade dun byte (4 bits), dáselle o nome de nibble ou semioctecto.

[editar] Cantidades

Os prefixos kilo, mega, giga, etc. consideranse potencias de 1024 en lugar de potencias de 1000. Isto é así porque 1024 é a potencia de 2 (2¹⁰) máis preto de 1000. Utilizase unha potencia de 2 porque se traballa nun sistema binario.

Nome	Abrev.	Factor	Tamaño no SI
kilo	K	210 = 1024	103 = 1000
mega	M	220 = 1 048 576	106 = 1 000 000
xiga	G	230 = 1 073 741 824	109 = 1 000 000 000
tera	T	240 = 1 099 511 627 776	1012 = 1 000 000 000 000
peta	P	250 = 1 125 899 906 842 624	1015 = 1 000 000 000 000 000
hexa	E	260 = 1 152 921 504 606 846 976	1018 = 1 000 000 000 000 000 000
zetta	Z	270 = 1 180 591 620 717 411 303 424	1021 = 1 000 000 000 000 000 000 000
iotta	Y	280 = 1 208 925 819 614 629 174 706 176	1024 = 1 000 000 000 000 000 000 000 000
Bronto	B	290 = 1024 Yottabytes	1027 = 1 000 000 000 000 000 000 000  000

No 1998 criouse un novo sistema de prefixos para denotar múltiplos binarios pola IEC. Oficialmente, o patrón IEC especifica que os prefixos do SI usaránse só para múltiplos en base 10 e xamais en base 2.

Novo patrón de prefixos IEC

Nome	Abbr	Factor
kibi	Ki	210 = 1024
mebi	Mi	220 = 1 048 576
xibi	Gi	230 = 1 073 741 824
tebi	Ti	240 = 1 099 511 627 776
pebi	Pi	250 = 1 125 899 906 842 624
exbi	Ei	260 = 1 152 921 504 606 846 976