Antonio Damasio
Na Galipedia, a wikipedia en galego.
António R. Damásio (Lisboa, 1944-) é profesor e director do Departamento de Neuroloxía da Universidade de Iowa. É profesor adxunto do Salk Institute de estudos de La Jolla e escritor.
Índice |
[editar] Biografía
Licenciouse e doutorouse en Medicina na Universidade de Lisboa. Despois dunha estadía no Centro de Investigación da Afasia de Boston regresou ó Departamento de Neuroloxía do Hospital Universitario de Lisboa. Actualmente é, como a súa muller Hanna Damasio, profesor na Universidade Central de Medicina de Iowa, nos EUA, onde ocupa a cátedra M.W. Van Allen.
É famoso polo seu primeiro libro O Erro de Descartes - Emoção, Razão e Cérebro Humano (1995). Outra obra recoñecida como de referencia na sua área científica é O Sentimento de Si (2001), elixido un dos 10 libros do ano polo The New York Times. Escribiu tamén sobre Espinosa.
Estudioso de neurobioloxia do comportamento humano e investigador das áreas cerebrais responsables da toma de decisións e conduta. Observou o comportamento en enfermos con lesións no córtex pré-frontal, concluindo que, aínda que a capacidade intelectual se mantivese intacta, eses doentes presentaban mudanzas constantes do comportamento social e incapacidade de establecer e respectar regras sociais.
Os seus estudos versan sobre a área designada como ciencia cognitiva, e teñen sido decisivos para o coñecemento das bases cerebrais da linguaxe e da memoria.
[editar] Premios
Recibiu, entre moitos outros premios, o Prémio Pessoa e o Premio Príncipe de Asturias de Investigación Científica e Técnica en xuño de 2005.
[editar] Bibliografía
- L'erreur de Descartes (1995) : ensaio sobre a superación da noción do "espectador cartesiano".
- The Feeling of What Happens: Body and Emotion in the Making of Consciousness (2000)
- Le sentiment même de soi : corps, émotions, conscience (2002)
- Spinoza avait raison : le cerveau de la tristesse, de la joie et des émotions (2003). Sobre o papel das emocións no desenvolvemento do « si ».
- Looking for Spinoza: Joy, Sorrow, and the Feeling Brain, (2003)
