Adarga
Na Galipedia, a wikipedia en galego.
Unha adarga é un escudo feito de coiro e de forma ovalada e posteriormente con forma de corazón. Usado orixinalmente pola cabalería musulmá de Al-Andalus, co nome de ad-dargha, traído do norte de África (en Fez estaba o principal centro de produción). Extremadamente resistente á espada e á lanza. Nos séculos XIV e XV a adarga foi utilizada pola infantería e cabalería cristiá ata que no século XVI se fixo xeral o uso de armas de fogo. Aínda seguiu en uso ata o século XVII en combates de cabalería entre a nobreza peninsular.