Fryske Nasjonale Partij
De Fryske Nasjonale Partij (de FNP) is in Fryske polityke partij.
De Fryske Nasjonale Partij waard yn 1962 oprjochte as reaksje op de grutte nasjonale partijen. Neffens de oprjochters wienen de Fryske ôfdielingen fan dy partijen te folle rjochtte op it lânsbelang, en dan fral de Rânestêd.
De partij krige yn 1966 in sit yn de Provinsjale Steaten fan Fryslân, ynnaam troch Jan Bearn Singelsma. Sûnt dat begjin is de partij stadichoan grutter wurden. De FNP hat no sitten yn de measte gemeenterieden yn Fryslân, yn 3 gemeenten binne FNP wêthâlders en by de steateferkiezings fan 2003 krige de partij ûnder lieding fan listlûker Johannes Kramer sân sitten yn de steaten. De partij die serieus mei oan de kolleezje-ûnderhannelings, mar stapte dochs net yn it kollezje mei fanwegen it stânpunt oangeande oanlis fan in omstrieden sweeftreinferbining tusken Grins en Amsterdam.
Ald FNP-steatelid Hindrik ten Hoeve sit mei út namme fan de FNP yn kombinaasje mei in tal oare regionale partijen foar de OSF (Onafhankelijke Senaatsfractie) yn de Earste Keamer. De earste en oant no ta ienige FNP-boargemaster is Theunis Piersma yn de gemeente Wûnseradiel.
[bewurkje seksje] Literatuer
- "Tusken Fryske dream en Nederlânske macht, fjirtich jier Fryske Nasjonale Partij", Kerst Huisman, 2003.
